Sartzeko baldintzak

Sartzeko baldintzak

Komunikazioaren munduan lan egiteko, Ikus-entzunezko Komunikazio Graduan sartu aurretik, gomendagarria da adierazpen hauetariko batzuen bitartez zeure burua identifikatzea:

Teknologia

Teknologia berrien munduak liluratzen nau, eta egunean nago kamera, ordenagailu, mugikor eta abarrei dagokienez.

Sormena

Gustatzen zait sormena eta gustatzen zait estetika eta originaltasun aldetik nabarmentzen diren edukiak sortzea.

Analisia

Pertsona analista, antolatua eta arrazionala naiz. Ez zait gustatzen erabakiak hartzea aurrez datu guztiak aztertu gabe.

Bideoa eta argazkigintza

Beti izaten dut kamera edo smartphone bat eskura, inguruan gertatzen den guztia grabatzeko edo argazkitan jasotzeko.

Komunikazioa

Jakin-mina duen pertsona bat naiz, eta gustatzen zait albisteak egunean-egunean jakitea eta esan nahi dudana argi adieraztea.

Talde-lana

Lankidetzan aritzea funtsezkoa da, eta gustatzen zait beste pertsona batzuen babesa bilatzea gure helburuak betetzeko.

Idazketa

Badut nire ideiak idatziz adierazteko eta jendea erakartzeko istorioak kontatzeko erraztasuna.

Publizitatea eta sare sozialak

Gustatzen zait publizitatearen eta diseinu grafikoaren mundua eta sare sozialetako edukiak partekatzea.

Identifikatu duzu zeure burua? Orduan, zuretzat ezin egokiagoa da Ikus-entzunezko Komunikazioa Gradua!

Sartzeko bideak

Bi bidetatik sar zaitezke graduan: Batxilergoa ikasi ondoren edo Irudiaren eta Soinuaren arloko Goi Mailako Heziketa Zikloren bat egin ondoren.

1) Batxilergoa ikasi baduzu (gradua 4 urtetan)

Batxilergoko edozein modalitate ikasita, eta Unibertsitatean sartzeko azterketa gaindituta edo 25 urtetik gorakoentzako azterketa eginda, gradua ikas dezakezu.

2) Goi Mailako Lanbide Heziketa Zikloa egin baduzu (gradua 3 urtetan)

Sarbidea izango duzu graduan Irudiaren eta Soinuaren arloko goi mailako Lanbide Heziketa Zikloa egina baduzu. Kasu honetan, baliozkotuta izango dituzu zenbait kreditu eta egin ahal izango duzu gradua hiru urtetan. Lanbide Heziketako bost ziklo hauek hartuko dira kontuan:

1. Ikus-entzunezko proiektuen eta ikuskizunen errealizazioa.
2. Irudia argiztatzea, hartzea eta tratatzea.
3. Ikus-entzunezkoetarako eta ikuskizunetarako soinua.
4. 3D animazioa, jokoak eta ingurune elkarreragileak.
5. Marketina eta publizitatea.