Albisteak

Zotero kudeatzaile bibliografikoa eguneratu egin da, funtzionalitate berriak eskainiz

Zoterok, erreferentziak kudeatzeko tresnak, bertsio berri bat kaleratu du: Zotero 7. Eguneratze horrek aldaketa esanguratsu batzuk eta funtzionaltasun berriak dakartza.

---

2024ko abuztuan, Zotero eguneratu egin da eta hobekuntza esanguratsu batzuk dakartzan 7. bertsioa kaleratu du.

Bertsio berriaren aldaketek ez dute Nola kudeatu bibliografia Zoterorekin gida aldatzen ; izan ere, aurreko funtzioak mantendu egiten dira, baina honako berrikuntza eta hobekuntza hauek gehitzen dira:

• Diseinuari eta bistaratzeari dagokienez: logo berriaz gain, ikusteko bi modu daude orain, trinkoa edo erosoa, eta modu ilunean lan egiteko aukera ematen du.
• Nabigazioari dagokionez: elementuen panela intuitiboagoa eta pertsonalizatuagoa da. Zer karpetatan zauden adierazten da; eremu gehiago sar ditzakezu datu nagusien lehen bista bat ordenatzeko eta lortzeko, eta item edo erregistro batera sartzen bazara, datuak sekzio bertikal tolesgarrietan eta alboko nabigazio-barra batean antolatuta agertzen dira. Gainera, itema duten liburutegi eta bilduma guztiak erakusten dira.
• Dokumentuen irakurgailua eta webguneak atzemateko funtzionaltasuna hobetu dira: dokumentuak PDF edo EPUB formatuan gorde ditzakezu, eta edukiak nabarmendu edo azpimarratu, bi formatuetan. Gainera, web-orrien pantaila-irudiak gordetzean, automatikoki ireki ditzakezu dokumentu-irakurgailu berrian.
• Smart citing: Zoterok aipu-iradokizun azkarrak eskaintzen ditu. Testu-prozesadorean irekitzen den aipuen elkarrizketa-koadroak automatikoki iradokitzen dizu elementuen zerrendan hautatu duzuna edo irakurgailuan irekita dituzun fitxategiak, zitazioa arinduz.

Berrikuntza horiek guztiak xehetasun handiagoz kontsulta ditzakezu gidaren Zotero 7: Gidaren berrikuntzak orrialde berrian.

Bibliotekak zure bertsioa eguneratu eta Zotero 7 instalatzea gomendatzen dizu. Gainera, gogoratu erabiltzen dituzun osagarriak ere eguneratu behar dituzula, hala nola Zotero Connector.