Ostatua eta garraioa
Ostatua eta garraioa
Talentuaren Kudeaketa Estrategikoko Masterra hainbat campusetan ematen da; beraz, Oñatiko campusean, Bidasoa-Irungoan edo Bilbao Berrikuntza Faktorian (BBFan) egin ahal izango duzu. Masterra egiten ari zarela Oñatiko campusetik gertu bizi nahi baduzu, Pedro Viteri eta Arana ikastetxe nagusian ostatu hartzea proposatzen dizugu, esperientzia paregabeak bizi ahal izateko. Ostera, beste ikasle batzuekin batera bizi nahi baduzu partekatutako etxebizitza batean (Oñatin, Irunen nahiz Bilbon), haiekin harremanetan jartzen lagunduko dizugu, zure beharretarako egokiena den errentako etxea aurki dezazun.
Pedro Biteri eta Arana ikastetxe nagusia
Pedro Biteri eta Arana ikastetxe nagusia Oñatiko campusetik 15 minutu pasatxora dago, eta ikasketetan denbora gehiago emateko aukera emango dizu, ez zarelako arduratu beharko, adibidez, garbiketaz eta janaria prestatzeaz. 197 lagunentzako ostatuaz eta janariaz gain, eskura izango dituzu ikasteko gelak, kirol-instalazioak eta prestakuntza akademikoa zein pertsonala jasotzen jarraitzeko jardueren eskaintza handia.
Ezagutu gure ikastetxe nagusia
Ikasleentzako etxebizitza partekatuak
Jarri harremanetan GERTU higiezinen agentziarekin:
Unibertsitaterako garraio publikoa
- Mondragon Unibertsitateak ez du garraio-zerbitzu propiorik, baina garraio publikoko sare handi bat dago campusera etortzeko.