Instalakuntzak eta baliabideak
Campuseko instalazioak
Enpresagintza Fakultateak kudeatzen du Oñatin (Gipuzkoa) eta Bilbon (Bizkaia) ematen den Kontabilitate eta Finantza Zuzendaritzako Masterra.
Oñatiko Campusa
Enpresagintza Fakultateko Oñatiko Campusean ikasi ahal izango duzu Kontabilitate eta Finantza Zuzendaritzako Masterra. 2010eko eraikin bat da, eta, bertan, zure prestakuntzarako beharrezkoak diren instalazioak (ikasgelak, liburutegia, laborategiak, tailerrak eta abar) eta beste gune batzuk (hala nola kafetegia eta diziplina anitzeko ikasgelak) aurkituko dituzu.
Ondoen hornitutako laborategiak eta tailerrak
Oñatiko Campusean, azken teknologiaz hornitutako hainbat gela izango dituzu eskura, masterraren barruan talde-lanak eta proiektu praktikoak egin ahal izateko:
Informatikako gelak
Ordutegi zabal baten barruan nahi duzun bakoitzean erabili ahal izango dituzun azken belaunaldiko gailuez hornituak.
Liburutegia
Honako eremu hauek ditu: kontsulta- eta irakurketa-eremua, isiltasun-eremua, multimedia-gela, lan-gelak eta liburutegiko kudeatzaileentzako guneak.
Areto Nagusia
300 m2-ko azalera eta 250 pertsonarentzako edukiera du. Gainera, bi areto txikiagotan edo gehiagotan banatu daiteke, eta, kasu horretan, areto bat diziplina anitzeko gune bihurtzen da.
Bilboko Campusa
Bilbao Berrikuntza Faktoria Bilboko erdigunean dago, eta ekosistema bat osatzen du. Izan ere, bertan, unibertsitateko ikasleek, inkubazio-prozesuan dauden enpresek eta nolabaiteko garapen-maila duten enpresek elkarri eragiten diote.
Gainera, eraikinak Dock izeneko topaguneak ditu. Haietan, sormen, aisialdi edo laneko uneak parteka daitezke gosaltzen, bazkaltzen edo kafe bat hartzen den bitartean, eta askotariko jarduerak antolatzen dira, bai Bilbao Berrikuntza Faktoriako komunitatearentzat, bai gizarte osoarentzat.
BBF - Bilbao Berrikuntza Faktoria
Uribitarte Kalea, 6
48001 Bilbao, Bizkaia
T. +34 944 255 162 | F. +34 943 718 162
Ondoen hornitutako ikasgelak eta tailerrak
Enpresagintza Fakultatean, gune egokituak eta ekipamendu teknologiko aurreratua izango dituzu eskura, ikasgelan ikasitakoa praktikan jarri, ikertu eta esperimentatzeko. Campusa 3 gunetan banatuta dago, eta solairu bakoitzean gune horietako bat dago.
Dock gunea
Sormena sustatzeko eta ideiak partekatzeko guneak.
Enpresak
Prestakuntza-programetarako eta ekitaldietarako ikasgelak
Gune espezifiko horiez gain, Bilboko Campusak talde-lanean aritzeko ikasgelak, kafetegi bat eta atseden-eremu batzuk ditu.
Bizi Unibertsitatea
Mondragon Unibertsitateko Enpresagintza Fakultateko Oñatiko Campusean, Mondragon Unibertsitateko gainerako guneetan bezala, instalaziorik modernoenekin bizi ditugu kirola, kultura eta entretenimendua. Unibertsitatea oso inplikatuta dago gizartearekin eta bere ingurunearekin, eta gero eta jarduera gehiago antolatzen ditu gizarte osoarentzat: azokak, lehiaketak, kirol-jarduerak eta abar.
Jarduera horiek guztiak hezkuntza-proiektuaren parte dira, eta gure ikasleen garapen pertsonala eta bizi-kalitatea hobetzea dute helburu. Mondragon Unibertsitatean, bizitzen ere ikasten da.
Zerbitzuak
- Idazkaritza birtuala: Izapide guztiak online egin ahal izan ditzazun.
- Liburutegia: Liburuak, aldizkariak, bideoak, ikasketa-gela.
- Kirol Zerbitzua: Gimnasioa, irteerak, ikastaroak eta lehiaketak.
- Jantokia: Gosariak, pintxoak, ogitartekoak, eguneko menua.
- KoNet: Kontsultatu zure notak eta askoz gauza gehiago zure mugikorretik.
- Campus birtuala: Ikasturtean laguntzeko e-learningeko plataforma.
- Desgaitasuna duten ikasleentzako zerbitzuak: Laguntzako langileak, ikasketen egokitzapena.
- Irakaskuntzarako laguntza: Orientazioa, fotokopiak, ordenagailuak...
Unibertsitateko zerbitzu guztiak