Instalazioak eta baliabideak

Laborategiak

Informatikako, elektronikako eta mekanikako laborategiak ditugu titulazio guztietako formazioari erantzun ahala izateko.

Laborategi hauek Goi Mailako Heziketa Zikloetako teknikarientzat, ingeniaritza eskolako jardueretarako eta ikerketarako erabiltzen dira. Horregatik, eguneratutako eta maila altuko ekipamendua daukagu.

Mekatronika Industrialeko profilarekin lotura zuzena duten laborategi eta tailerrak honako hauek dira:

Automatismo elektrikoen tailerra

Etxeko instalazio elektrikoen praktikak burutzeko, bai eta, Instalazio industrialen praktikak burutzeko laborategia. Dauden baliabideak hauek dira: maketak, etxeko pasillu, gelen eta sukaldeko argiteriaren eta banatze elektrikoak simulatzeko beharrezko materialarekin. Instalazio industrialen praktikak eta motorren kontrola bideratzeko koadro elektriko eta maketak.

Elektronikako laborategia

Elektronika eta elektrizitateko oinarrizko zirkuituak muntatzeko laborategia da. Bertan, DC, eta AC-ko oinarrizko zirkuituak muntatzen eta V, A, W neurketak bideratzen dira. Erresistentzia, induktantzia eta kapazitantziazko zamak daude eta oszilozkopio naiz polimetroekin neurketak bideratzen dira. Azkenik, armairu elektrikoetan aurkitzen diren transformadore trifasikoak daude hauen funtzionamendua ulertzeko praktikak eta neurketak bideratuz.

PLC-en gela-tailerra

Ikasleek eskura dituzte Siemens-en S7-1500 eta S7-1200 familietako PLC-ak. HMI ukitze pantailak eta Profinet bidezko balbula banatzaileen bitartez sare industrialak muntatu eta martxan jartzeko aukera dute. Ikusmen Artifizialeko OMRON-eko kamerak daude ere eta baita ere RFID-ko identifikazio sistema irakurle-idazle dispositiboak.

Bi ABB robot ditugu PLC eta erroboten arteko sistema mekatronikoak martxan jartzeko asmoz.

Laborategia

Soldadura gelan, soldadura oxiazetilenikoa eta arku bidezko soldadurako ekipamendu ezberdinak ditugu, elektrodo estalduriko soldadura, TIG eta MIG/MAG ekipoak hain zuzen ere.

Pneumatikako eta hidraulikako tailer-laborategia 

Zilindro, balbula, tutu, FRL naiz talde hidrauliko desberdinak dituzte ikasleek erabilgarri zirkuitu desberdinak muntatu ditzaten. Hidraulikako paneletan, proportzionaltasun teknika garatu dezakete, ditugun txartel elektronikoen bitartez.

Makinen muntaketa tailerrak 

Bi laborategietan, makina mekaniko batean ohikoenak diren elementu mekanikoak muntatzeko/desmuntatzeko tresnak daude ikasleen eskura. Gainera, bi laborategietan oinarrizko fabrikazio-eragiketak egiteko makineria osagarria eta mantentze zuzentzailerako tresnak daude. Horrela, bi laborategietan, ikasleek honako hauek aurki ditzakete beren prestakuntza gauzatzeko:

• Erreminta-orgak: eskuerreminta ohikoenekin (giltza finkoak, ontzi-giltzen sorta, karraka-giltzak, hainbat motatako bihurkinak, mailuak, botagailuak, guraizeak, kalibreak, etab.).
• Esku-erremintak dituzten armairuak: limak, arraspak, esku-zerrak, iraulgailuak, errematxagailuak, etab.
• Errodamenduak muntatzeko/desmuntatzeko erremintak: indukzio magnetikoko berogailua, berotzeko plantxa, erauzgailu mekaniko eta hidraulikoak, gillotinak, errodamenduak muntatzeko erreminten setdun maletatxoa, prentsa hidraulikoa, eskuzko prentsa, azkoin hidraulikoa.
• Multzo hidraulikoa.
• Multzo pneumatikoa.
• Zubi-garabia eta polipastoa, zingilak, kantuak, girgiluak.
• Neurketa-elementuak: mailak, erloju konparatzailea, oinarri magnetikoa, marmol mahaia, mikrometroak, kalibreak, erregelak, polimetroak, hari-orraziak, txantiloiak, gramila, etab.
• Zulagailuak, esmerilak, planeagailuak.
• Erreminta bereziak: helikoila muntatzeko maletatxoa, zulaketarako oinarri magnetikoak, talka-bihurkina, giltza dinamometrikoak, junturak erauzteko giltzak, etab.
• Material suntsikorra: racord-a, torlojuak, zirrindolak, azkoinak, errematxeak, hariztatzeko arrak, barautsak, altzairuzko eta aluminiozko profilak, etab.

Zerbitzuak

• Idazkaritza birtuala: izapide guztiak online egin ahal izan ditzazun.
• Biblioteka: Liburuak, aldizkariak, bideoak, ikasketa-gelak.
• Kirol-zerbitzua: Gimnasioa, irteerak, ikastaroak eta lehiaketak.
• Jantokia: Gosariak, pintxoak, ogitartekoak, eguneko menua.
• KoNet: Kontsultatu zure notak eta askoz gehiago zure mugikorretik.
• Campus birtuala: Ikasturtean laguntzeko e-learningeko plataforma.
• Desgaitasuna duten ikasleentzako zerbitzuak: Laguntzako langileak, ikasketen egokitzapena.
• Irakaskuntzarako laguntza: orientazioa, fotokopiak, ordenagailuak…

Unibertsitateko zerbitzu guztiak

Hezkuntza behar bereziak

Ezintasunen bat duten ikasleek, ezintasun horregatik hezkuntza behar bereziak badituzte, aholkularitzako kabinete baten laguntza izango dute, egin daitezkeen egokitzapen kurrikularrak edo ibilbide edo ikasketa alternatiboak ebaluatzeko. Kabinete hori honela osatuta dago:

• Erakundeko enpresa medikua.
• Lan arriskuen prebentzioko teknikaria.
• Lan arriskuen prebentzio eta ingurumeneko zuzendaria.
• Titulu koordinatzailea.
• Zerbitzu akademikoetako AZPko teknikari bat.

Arreta psikologikorako zerbitzua

Laguntza psikologikoa ematen duen zerbitzu bat da, prebentziozkoa eta gure ikasleen ongizate bio-psiko-soziala bermatzeko helburua du.

MGEPeko ikasle guztiei zuzenduta dago eta psikologia eta psikoterapiako kolegiatuak ematen du arreta.

Banakako arreta psikologikoa (5+5 saio) eta Garapen osasungarrira bideratutako tailerrak eta esperientziak eskaintzen dira.

Zerbitzua doakoa da.