Ostatua eta garraioa
Ostatua eta garraioa
Ingeniaritza Biomedikoa Mondragon Unibertsitatean ikasi nahi baduzu, ez duzu-ostatu-arazorik izango, gure Ikastetxe Nagusian bizitzeko aukera baitaukazu. Independentzia handiagoa nahi baduzu, berriz, pisu bat parteka dezakezu ikaskide batzuekin. Lagunduko dizugu pisua aurkitzen, zure egoera berean dauden beste ikasle batzuekin parteka dezazun.
Biteri eta Arana Ikastetxe Nagusia
Mondragon Unibertsitateko Pedro Biteri Ikastetxe Nagusia Ingeniaritza Biomedikoko Gradua ikasiko duzun campusetik oso gertu dago eta 197 pertsonentzako plazak ditu. Ikastetxe Nagusiko instalazioetan jarduerak egin ahal izango dituzu, kirola egin, ikasteko guneez gozatu, logela partekatu edo banako bat aukeratu, eta, batez ere, lagun berriak egin. Gainera, ikasketak osatzeko behar duzun prestakuntza-laguntza eskuratu ahal izango duzu.
Ezagutu gure Ikastetxe Nagusia
Ikasleentzako etxebizitza partekatuak
Jarri harremanetan "GERTU" higiezinen agentziarekin
Unibertsitaterako garraio publikoa
Mondragon Unibertsitateak ez du zerbitzu propiorik, baina garraio publikoko sare handi bat dago campusera etortzeko.