Mugikortasuna eta nazioarteratzea
Mugikortasuna eta nazioartekotzea
Atzerrian lan egiten duten langileak, trebakuntza-maila handikoak, behar dituzte goi-mailako teknologiadun enpresek. Mondragon Unibertsitateko Mugikortasun eta Nazioartekotze Programak hori guztia eskaintzen dizu
Erasmus eta Sicue bekek aukera ematen dizute graduaren azken urtea munduko unibertsitaterik ospetsuenetako batean ikasteko. Bestalde, Fisikan Ingeniaritzako profesional gisa lan egin ahalko duzu Asia, Europa, Amerika eta Ozeaniako puntako enpresetan, Gradu Bukaerako Lana egiten duzun bitartean.
Atzerrian ikastearen eta lan egitearen abantailak
Nahi duzun lanpostu hori eskuratzeko aukera izango duzu
Etorkizunean baliagarria izango zaizun harreman-sare zabala osatuko duzu
Autonomia eta ekimen-maila handiagoak izango dituzu lanean
Maila ona hartuko duzu beste hizkuntza batzuetan
Mondragon Unibertsitatearen mugikortasun-programak
Mugikortasuneko eta nazioartekotzeko hainbat programa baliatu ahal izango dituzu, honako helburu hauekin:
- Zure graduko ikasketak osatzea.
- Graduondoko titulazio bat lortzea.
- Lan-esperientzia bat bizitzea.
- Gradu Bukaerako Lana egitea.
Erasmus bekak
Europa, Asia, Amerika eta Ozeaniako unibertsitate ospetsuetan ikasteko aukera izango duzu, eta egiten dituzun kredituak zure "learning agreement" delakoan jasoko zaizkizu.
Atzerrian ikasi ahal izateko:
- 1. eta 2. mailetan izan dituzun notak hartuko dira kontuan.
- Atzerriko hizkuntzetan duzun maila ebaluatuko da.
- Zure portaera baloratuko da.
Gradu Bukaerako Lana eta atzerriko praktikak
Esperientzia bikaina da atzerrian lan egitea, eta kultura berriak ezagutzeko bide ezin hobea. Denek ez dute izaten horretarako aukera; zuk, ordea, bai. Industriaren sektoreko puntako enpresak dauden herrialdeetara joan zaitezke, eta haietan egin praktikak edo gradu-bukaerako lana.