Programa Duala

Ikasi testuinguru profesional batean!

Ikus-entzunezko Komunikazio Graduaren hirugarren eta laugarren urteetan, aukera izango duzu dual ereduan ikasteko, unibertsitatean eskuratutako jakintza eta gaitasunak testuinguru profesionalean garatuta eta praktikan jarrita.

Komunikazio digitala ibilbideko ikasleak dira Dual ereduan jarduten dutenak. Modu honetan, ikasketetan zehar lanbidea hobeto ezagutzen dute, lanbidearen kultura barneratuz, profesionalizazioa azkartuz eta ikasketa prozesua norbere praktikatik abiatuz.

Mondragon Unibertsitateko Ikus-entzunezko Komunikazio Graduak Unibasq-en Unibertsitate Formazio Dualeko Kalitate zigilua du.

JONE MARKULETA

Ikus-entzunezko Komunikazioa Graduko ikaslea eta Emun-en dualean

“Datozen urteetarako barne eta kanpo komunikazioa zehazte ari gara orain”.

JULEN IGLESIAS

Ikus-entzunezko Komunikazioa Graduko ikaslea eta Sorland-en dualean

“Lan honek lagundu dit jakiten zertan ibili naitekeen gero lanean”.

Praktikak egiteko enpresak

Honetaz gain, Ikus-entzunezko Komunikazioa Graduko ikasle guztiek izango dute praktikak egiteko aukera. Humanitate eta Hezkuntza Zientzien Fakultateak elkarte, erakunde eta enpresa askorekin hitzarmena dauka, ikasleek praktikak eta Gradu Bukaerako Lanak egin ahal izateko. Besteak beste:

Ekoiztetxeak	Telebista kateak	Irratiak	Komunikazio taldeak
Baleuko Produkzioak	Goiherriko ikuskari S.L. (GITB)	Radio Euskadi	EITB
Sayaka Producciones	Hamaika Telebista	Punto Radio	Goiena Komunikazio Taldea
Pausoka	Teledonosti S.L.	Hala Bedi irratia	Urolaldeko Komunikabideak S.L.
Berde Produzkioak Koop.e.	ETB	Radio Vitoria	Donostialdea Ikus-entzunezkoak S.A.

Enpresak eta erakundeak	Interneteko atariak	Komunikazio agentziak	Egunkariak eta aldizkariak
Garabide	Hirinet	Arteman Komunikazioa	Goiena papera
Balenciaga S.A.	Ahotsak	AZK komunikazioa	Noticias de Gipuzkoa
Arizmendi	Uztarria		Uztarria
Sugar Factory	Goiena Komunikazio Taldea

Programa dualeko ikasketa plana

Proiektu honetan parte hartuko duten enpresa eta erakundeekin batera diseinatu dira Komunikazio Digitala ibilbideari lotutako irakasgaiak, bai eta praktikak eta Gradu Bukaerako Lana ere. Zehazki, ondoko tauletan ageri diren moduluetan garatzen da prestakuntza duala:

Unibertsitate Formakuntza Duala

3. Maila	ECTS
Garapen profesionala enpresetan (Practicum)	18
2. ibilbidea: Komunikazio digitala
Marketing digitala eta publizitate-errealizazioa	9

4. Maila	ECTS
Gradu Bukaerako Lana (GBL)	18
2. ibilbidea: Komunikazio digitala
Kultur ekitaldiak antolatu eta ekoiztea	18