Pertsonalgoa

Mondragon Unibertsitatean, kooperatiba den heinean, bere bazkideen ordainsaria hilero ordaintzen den lan-aurrerakinaren bitartez gauzatzen da. Lan-aurrerakinak kooperatibaren urteko jarduera ekonomikoaren emaitzen arabera ordaindutako aurrerakinak dira. Lan-aurrerakin horiei dagozkien kopuru-tarteak bere kooperatibaren ordainsari-sisteman jasotakoan oinarritzen dira. Honek ordainsari-arloaren irizpide orokorrak eta oinarrizko premisak jaso ditu. Unibertsitatea osatzen duten pertsona guztiak kalifikatu eta maila profesional bat egokitzen zaie , Indize Profesional bat finkatuz. Indize hau lanpostu bakoitzaren erantzukizun maila eta hainbat faktore eta parametro profesionalen arabera finkatzen da.

Indize Profesionalak 1,4 eta 4,5 indize tartean kokatzen dira. Dena den, Errektoretza mailako hainbat unibertsitate karguek tarte hori gainditu dezakete.

Erreferentzia gisa, 1,4 indizea 22.446 eurotako urteko lansari gordinaren baliokide da, gutxi gora behera, eta 4,5 indizea 73.745 eurotako urteko lansari gordinaren baliokidea. Tarte hauetan kokatzen dira IIL (Irakasle Ikerlari Langilea) eta AZL (Administrazio eta Zerbitzuetako Langilea) guztiak, beraien balorazio profesionala beraien lan jardueraren eta lanpostuaren araberakoa izanik.

Talde bakoitzaren indize profesionalen tarteak ondorengoak dira:

• AZL: 1,4tik 2,6ra
• IIL: 2,0tik 3,5era
• Zuzendaritza taldeak: 3,3tik 4,5era

Pertsonalgoaren gastuak, Unibertsitateko gastu orokorren %51,2 suposatzen dute.