Jasangarritasuna

JASANGARRITASUNA

Etorkizuneko gizartearen alde lan egin eta ekarpenak egin nahi ditugu. Horregatik, Mondragon Goi Eskola Politeknikoan ingurumena babesteko konpromiso sendoa dugu, kutsaduraren prebentzioa eta baliabide naturalen erabilera jasangarria barne. Horrenbestez, ekonomia zirkularra bultzatzen eta klima-aldaketa arintzen lagunduko duten ekimen eta proiektuen garapena sustatzen dugu.

Laneko eta Ingurumeneko Kalitate, Segurtasun eta Osasun Politika bat dugu gidari, erakundeko pertsona guztien parte-hartzea eta inplikazioa sustatzeko, kalitateko, laneko segurtasun eta osasuneko eta ingurumena babesteko helburuak lortze aldera.

21/22 ikasturtean ekonomia zirkularraren eredua ezartzen hasi zen, Arrasateko egoitzaren diagnostiko batetik abiatuta, bertan jardueraren % 70 biltzen baita. 2036 urtetik aurrera, CO₂ isurien campus neutroaren erronka ezarri da, eta %50 eko murrizketa 2028an.

pdf

MUCS proiektua: Mondragon Unibertsitatea Zirkularra eta Jasangarria

Ezagutu unibertsitatean garatzen ari garen campus zirkularreko proiektua: ematen ari garen pausoak, identifikatutako helburua, zein dinamika eta neurketa ipini ditugun martxan etab. Deskargatu dokumentua.

Erronka hori lortzeko, landu beharreko ekintzak planifikatu dira, hainbat taldetan karbono-aztarnaren neurtzea barne:

1. HONDAKINEN KUDEAKETA

2. ENERGIA KONTSUMOA

3. MUGIKORTASUNA

Ziurtagiriak

ISO 14001

Gaur egun, denok dakigu garrantzitsua dela ingurumena babestea, eta, horregatik, ezinbestekoa da edozein erakundek, edozein motatakoa dela ere, ingurumen-iraunkortasunaren kontzeptua bere barne-politiketan txertatu behar izatea. Aurreko guztiagatik, MGEPek norabide berean lagundu behar du, alde batetik, bere irakaskuntza- eta ikerketa-jardueraren ingurumen-inpaktua ebaluatuz, ahalik eta gehien murrizteko, eta, bestetik, bertatik aterako diren etorkizuneko eta etorkizuneko profesionalak sentsibilizatuz, ingurumenarekin zerikusia duen guztiaren defentsan.

2024-2028 plan estrategikoan ezarritako helburu estrategikoa da “MGEP ingeniaritza-ereduaren jasangarritasuna bermatzea”. Ekintza-plan hauetan lanean jarraitzen dugu:

ISO 14001 Arauaren ziurtagiria mantentzea: 2020-2021 ikasturtean lortutako ziurtagiria.
Ekonomia zirkularreko proiektuak: Energia, mugikortasuna eta hondakinak.
MGEPeko jarduerak GJHekin lerrokatzea.

pdf

INGURUMENA KUDEATZEKO SISTEMAREN ESKULIBURUA

pdf

POLITIKA ETA KALITATEAREN HELBURUAK, LAP ETA INGURUMENA

pdf

INGURUMENA KUDEATZEKO SISTEMAREN ZIURTAGIRIA

Ingurumen-portaeraren adierazleak

Adierazlea\ Ikasturtea	19/20	20/21	21/22	22/23	23/24
Pertsona baliokideak	2480	2578	2668	2.683	2.689
Elektrizitatearen kontsumoa kWh-n	2.931.360	3.372.024	3.257.227	2.805.989	3.008.736
Elektrizitatearen kontsumoa kWh-n, pertsona baliokide bakoitzeko	1.182	1.308	1.221	1.045,84	1.119,00
Gas-kontsumoa kWh-n	2.385.760	3.418.428	3.199.268	2.097.101	2.228.236
Gas-kontsumoa kWh-n, pertsona baliokide bakoitzeko	962	1.326	1.199	781,63	828,64
Paperaren guztizko kontsumoa (unitateak)	727.012	821.670	920.811	885.000	815.500
Paperaren guztizko kontsumoa unitatetan, pertsona baliokide bakoitzeko	293,2	318,72	345,09	329,85	303
Paper birziklatuaren kontsumoa (unitateak)	203.360	484.785	546.008	287.000	142.500
Paper birziklatuaren kontsumoa unitatetan pertsona baliokide bakoitzeko	82,0	188,05	204,65	109,97	53
Ur-kontsumoa m3-tan	12.530	11.636	11.940	10.052	14.379
Ur-kontsumoa m3-tan, pertsona baliokide bakoitzeko	5,05	4,51	4,48	3,75	5,34