Berriak

EU4Dual-ek, Ikasketa Dualen Europako Unibertsitateak, dagoeneko ireki du bere Urteko Konferentziarako izen-ematea

Otsailaren 24ra arte doan eman daiteke izena konferentziaren webgunearen bitartez, eta ikerketa lanak aurkezteko deialdia ere zabalik dago.

---

"Greener Visions, Brighter Futures" lelopean, Ekonomia Berdea, Lanaren Etorkizuna eta Goi Mailako Ikasketa Dualak izango dira gai nagusi.

Kongresua apirilaren 2an hasiko da, eta lehen egun hori Mondragon Unibertsitatearen Galarretako kanpusean izango da, Donostian, eta bigarren eguna (apirilak 3), Bidart herrian, iparralden, ESTIA Institute of Technology-ren kanpusean. Erakunde hori Mondragon Unibertsitateak zuzentzen duen europako unibertsitateko 9 kideetako bat da.

Mundu osoko erreferentziazko erakundeetako ordezkariek parte hartuko dute, beren esperientziak, proiektuak, etorkizuneko joerak eta goi-mailako hezkuntza dualarekin lotutako beste gai batzuk partekatuz. Era berean, hainbat adituk hiru gai nagusien inguruan egindako ikerketen emaitzak aurkeztuko dituzte. Aurtengo nobedadea ikertzaileentzako jarduera espezifikoez gain, nazioarteko ikasleentzako prestatu diren ekintzak dira, beste herrialde batzuetako gazteekin elkarlanean aritu eta nazioarteko hainbat enpresa ezagutu ditzaten.

Izena emateko, egin klik hemen.

Zure ikerketa lana bidaltzeko, egin klik hemen.

Informazio guztia konferentziaren webgune ofizialean dago eskuragarri.