I. Hackathon Gipuzkoa Turismoko lehen postuak Produktu eta Zerbitzuen Diseinu Estrategikoko Masterreko ikasleentzat

Atzealdea

I. Hackathon Gipuzkoa Turismoko lehen postuak Produktu eta Zerbitzuen Diseinu Estrategikoko Masterreko ikasleentzat

LEHIAKETA

I. Hackathon Gipuzkoa Turismoko lehen postuak Produktu eta Zerbitzuen Diseinu Estrategikoko Masterreko ikasleentzat

Gipuzkoa bisitatzen duten turistei zuzendutako oinarri teknologikoko produktu eta zerbitzu berritzaileak diseinatzea izan zen lehiaketa.

2022·02·28

$titulo.getData()

Gipuzkoako Foru Aldundiko Turismo Zuzendaritzak I. Hackathon Gipuzkoa Turismoa antolatu zuen otsailaren 19 eta 20rako. Ekitaldia hainbat lantalderen arteko lehiaketa bat izan zen, aberastasuna eta jarduera ekonomikoa sortuko duten produktu eta zerbitzu berritzaileak diseinatzeko, aldi berean lurraldeko turismoaren erronka hauei, hau da, erronkarik garrantzitsuenei erantzuna emateko:

  • Turismoa lurralde osoan modu orekatuan banatzea
  • Esperientzia pertsonalizatuak eta gogoangarriak eskaintzea

Ekitaldia asteburuan izan zen, eta Mondragon Unibertsitateko Produktu eta Zerbitzuen Diseinu Estrategikoko Unibertsitate Masterreko ikasleek parte hartu zuten bertan. Unibertsitateko taldeek podiumeko lehen postuak lortu zituzten:

  • 1. saria (1500 €): : Ariane Atxa ikasleak talde batean parte hartu zuen, eta talde horrek APP bat proposatu zuen, laguntzaile birtualarekin, lurraldean zehar txapel bila ibili eta gero txapelak herriko dendetan produktuekin trukatzeko.
  • 2. saria (1000 €): June Altierik, Mikel Sanchezek eta Irune Materiosek, masterreko 2. kurtsoko ikasleek, “Miatu” aplikazioa proposatu zuten. Gipuzkoako historia ezagutzeko eta gamifikazio bidez tokiko merkataritza bultzatzeko ibilbide tematikoak eskaintzen dituen web-app bat da.

Masterrarekin lerrokatutako ekimena

Gipuzkoako Foru Aldundiak sustatutako ekimen hau Mondragon Unibertsitateak ematen duen Produktu eta Zerbitzuen Diseinu Estrategikoko Masterrarekin erabat lerrokatuta dago. Masterraren espezializazioak diseinuaren prestakuntza integrala ematen du, talentu gaztea trebatuz, modu estrategiko eta berritzailean pentsatzen jakin dezaten. Gainera, diziplinen aplikazioan ere sakontzen da, hala nola Zerbitzuen Diseinuan, Diseinu Parte hartzailean eta Erabiltzailearen Esperientzian, bai eta diseinuaren integrazioa erakundeetan kudeatzean ere.