Martxoaren 29ko Errege Dekretu berriak, funtsezkoak ez diren zerbitzuak ematen dituzten besteren konturako langileentzako baimen ordaindu berreskuragarria arautzen duenak, ez du eraginik Mondragon Unibertsitatearen online jarduera akademikoan.
Martxoaren 29ko Errege Dekretu berriak, funtsezkoak ez diren zerbitzuak ematen dituzten besteren konturako langileentzako baimen ordaindu berreskuragarria arautzen duenak, ez du eraginik Mondragon Unibertsitatearen online jarduera akademikoan.
Martxoaren 29ko Errege Dekretu berriak, funtsezkoak ez diren zerbitzuak ematen dituzten besteren konturako langileentzako baimen ordaindu berreskuragarria arautzen duenak, ez du eraginik Mondragon Unibertsitatearen online jarduera akademikoan.
Mondragon Unibertsitateko ikasleek eta irakasleek beren etxeetatik garatzen duten jarduera akademikoari ez dio eragingo martxoaren 29ko 10/2020 Legegintzako Errege Dekretu berriak. Hau da, aurreko asteetan bezala, Mondragon Unibertsitatearen jarduera akademikoa online garatzen jarraituko da
Funtsezko zerbitzuak ematen ez dituzten besteren konturako langileentzat baimen ordaindu berreskuragarria arautzen duen Espainiako Gobernuaren martxoaren 29ko 10/2020 Errege Lege Dekretu berriaren ondoren, Mondragon Unibertsitateak jakinarazten du unibertsitateko jarduera akademikoa online eskaintzen jarraituko dela, konfinamenduko azken bi aste hauetan egiten ari den bezala. Errege Lege Dekretuak bere aplikazio-eremutik kanpo uzten ditu telelanaren bidez lanean jarrai dezaketen langileak.
Egoera horren aurrean, Mondragon Unibertsitateak berretsi egiten du ikasle guztien prestakuntzarekin duen konpromisoa, eta bere jarduera akademikoari eusten dio, % 100ean online garatzen baita gure ikasleen etxeetatik eta gure irakasleen etxeetatik. Errektoreak eskerrak eman eta esker ona adierazi nahi izan dizkie unibertsitateko ikasleei eta langileei, egiten ari diren ahaleginagatik.
Errektoreak aurreko astean adierazi bezala, unibertsitateak ahalegin berezia egin du online garatu beharreko metodologiak egokitzeko, aurrez aurreko formatuan emateko prestatutako materialak online formatura bihurtzeko, eta Mondragon Unibertsitateko komunitate osoa kalitatezko online prestakuntza bermatuko duten tresnetan trebatzeko.
Gure campusetako egoerari dagokionez, Mondragon Unibertsitateko langile guztiek, irakasle eta ikertzaileek eta administrazio eta zerbitzuetako langileek beren etxeetatik jarraituko dute lanean, ikasleei zein pandemia baino lehen lantzen ari ziren beste proiektu batzuei eskaintzen zaien zerbitzua bermatu ahal izateko.
Erakundeek pertsonen egunerokotasunari eta jarduera ekonomikoei eragiten dieten erabakiak hartzen dituzten neurrian, Mondragon Unibertsitateak unean uneko informazioa emango du bere jardueraren bilakaerari buruz.
Mondragon Unibertsitateak, beste behin ere, erantzukizun indibidualerako deia egiten du, erronka kolektibo honi heltzeko. Gure esku dago gaixotasunaren hedapenari eustea, eta Unibertsitate Komunitate osoa eta gizarte osoa gonbidatzen ditugu erakunde guztiek iradokitzen dizkiguten neurriak errespetatzera
Denon artean lortu dugu.