Komunikazioaren inguruko ekitaldi mota asko

Jarduera ekonomiko zorrotzaz gainera, fakultateak zenbait ekitaldi antolatzen ditu urte guztian zehar, komunikazioaren munduaren ingurukoak denak ere.

Halako ekitaldiak ikasleek ikasturtean zehar eskuratzen dituzten ezagutzen eta konpetentzien osagarri eta aberasgarri dira, eta irakasleek eta ikasleek berek antolatu ohi dituzte. Ikasleek, beraz, aukera izaten dute kultura eta komunikazio ekitaldiak antolatzeak dakartzan dinamiketara hurbiltzeko.

Hona hemen ekitaldirik azpimarragarrienak: Huhezinema film laburren jaialdia, ikasleek antolatua eta diseinatua, zuzendari ospetsuek zein ikasleek egindako lanak proiektatzeko gunea; Euspot euskaraz gai jakin baten inguruan eginiko publizitate iragarkien jaialdia; Komunikaldia komunikazio jardunaldia, sektoreko profesionalek gai monografiko baten inguruan gauzatua; eta Kimu Berri, 4. mailako ikasleek Gradu Bukaerako Lanak tutoreen aurrean (tutore akademikoak eta erakunde eta enpresetakoak) aukezteko gunea. Bestalde, ikasturte osoan zehar, film luzeak proiektatu, literatura jardunaldiak antolatu, eta kultura ekitaldi ugari aurkezten dira.