Ikasleek egindako lanen lagin bat
Ikasleek egindako lanen lagin bat
Ikasleek, metodologia aktiboak erabiltzen dituztenez graduko maila guztietan, lan eta proiektu ugari egiten dituzte, beti egoera errealak abiapuntutzat hartuta.
Halako metodologien arabera, eginez eta egiten denaz hausnartuz ikasten da, hau da, ikasleak etengabe ari dira irakasleek planteatutako erronkei erantzuten. Lanok ikasgelan aurkezten dituzte lehenik, eta, gero, zenbait plataformaren bitartez gizarteratzen dira.
Atal honetan, graduko maila guztietako ikasleek egindako proiektuak ikus daitezke: kazetari lanak, argazki erakusketak, multimedia proiektuak, irrati programak, diseinu grafikoko eta animaziozko lanak, telebista programak, dokumentalak, film laburrak eta Gradu Bukaerako Lanak. Azken horiek erakunde, enpresa edo elkarte batek planteatutako eskaera jakin bati erantzuten diote beti, eta bi tutorek zuzentzen dituzte.