Mondragon Unibertsitateko Eskola Politeknikoak Ermuko Santa Ana auzoa berrituko duen Europako proiektuan parte hartuko du
Mondragon Unibertsitateko Eskola Politeknikoak Ermuko Santa Ana auzoa berrituko duen Europako proiektuan parte hartuko du
Mondragon Unibertsitateko Eskola Politeknikoak Ermuko Santa Ana auzoa berrituko duen Europako proiektuan parte hartuko du
Birgaitzearen ardatza ingurune lagunkoiak eta digitalak sortzea izango da, berrikuntza soziala bultzatzeko eta adinekoen auzoko bizi baldintzak hobetzeko.
Mondragon Unibertsitateko Eskola Politeknikoko ikertzaileek parte hartzen duten drOp europar proiektu berriaren helburua da Ermuko Santa Ana auzoa berritzea. Birgaitzearen ardatza ingurune lagunkoiak eta digitalak sortzea izango da, berrikuntza soziala bultzatzeko eta adinekoen auzoko bizi baldintzak hobetzeko.
Europako Batzordeak finantzatutako proiektu honek lotura estua du Etxebizitza Eskuragarriaren Europako Partzuergoarekin (SHAPE-EU), eta erakusten du etxebizitza iraunkorrak nola laguntzen duen gizartean. Proiektuaren helburua da etxebizitza sozialen hornitzaileei, agintari publikoei eta ETEei laguntzea, etxebizitza sozialen eta eskuragarrien barrutien berritzeak egin ditzaten, ezaugarri berritzaileak barne hartuta, hala nola teknologia adimendunen eta zirkularren erabilera eta tokiko komunitateekin batera sortu eta kudeatutako ikuspegi berriak.
drOp berrikuntza sozialean eta tokiko garapen ekonomikoan oinarrituko da, aldi berean teknologia berriak integratuz eta pertsonengan oinarritutako ikuspegia erabiliz. Kultura eta sormen industrien potentziala ere aztertuko du.
Ermuko Santa Ana auzoan berrikuntza integralerako metodologia bat garatuko da maila estrategikoan. Horretarako, inguru horretan bizi diren pertsonak beren auzoak irisgarriagoak, konektatuagoak eta bizigarriagoak izateko prozesuan erabat inplikatuko direla bermatuko da. Horretarako, egoiliarrak elkarrekin sortzeko prozesuen bidez inplikatuko dira. Gutxienez biztanleriaren %20k parte hartzea da helburu horietako bat. Adinekoentzako ingurune lagunkoia sortzeko helburua funtsezko alderdia da Santa Anarentzat, bertako biztanleriaren ia %30 kategoria horretan baitago (udalerrikoa baino batezbesteko handiagoa, baita estatuko batezbestekoa baino handiagoa ere).
Mondragon Unibertsitatea proiektuaren aliatuetako bat da, eta Goi Eskola Politeknikoko hainbat ikerketa taldek parte hartuko dute bertan. Zehazki, (I) diseinuko berrikuntza zentroko, (II) seinale eta komunikazio taldeko eta (III) software eta sistemen ingeniaritzako ikertzaileak izango dira. Mondragon Unibertsitatearen ekarpen nagusia bi arlotan oinarrituko da nagusiki: pertsonengan oinarritutako soluzioen baterako sorkuntzako eta diseinuko metodologietan, eta, bestetik, informazio eta komunikazioko teknologien eta plataformen garapenean, datuen kudeaketaren bidez energia eraginkortasuna optimizatzean, etab.
Lortutako emaitzek antzeko beste testuinguru batzuetan errepikatzeko modukoak izan beharko lukete, eta, beraz, proiektuak antzeko bi esperientzia aurreikusten ditu Materan (Italia) eta Elvan (Estonia), sinergiak eta baterako ikaskuntzak identifikatzeko
Proiektuari buruzko informazioa
