LEINN bidaiatzearen sinonimoa da
LEINN bidaiatzearen sinonimoa da
LEINN bidaiatzearen sinonimoa da
15 urtetan lehen aldiz, LEINN (Lidergo Ekintzaile eta Berrikuntzan Gradu Ofiziala) etengabeko ikaskuntza-bidaietan egongo da urte osoan zehar
15 urtetan lehen aldiz, LEINN (Lidergo Ekintzaile eta Berrikuntzan Gradu Ofiziala) etengabeko ikaskuntza-bidaietan egongo da urte osoan zehar. LEINN komunitatea osatzen duten 1.200 pertsona baino gehiago 3 kontinentetako 6 herrialdetan egongo dira.
Ikaskuntza-bidaia (learning journey) horiek ikaskuntza-prozesuaren parte dira, eta funtsezko elementua dira begirada globala hazteko eta garatzeko. Helburua ez da bidaiatzea soilik, baizik eta herrialdearekin, kulturarekin eta negozioak egiteko moduarekin konektatzeko aukera emango dien esperientzia bat prestatzea eta finantzatzea. Aukerak detektatzea, partner berriak ezagutzea eta eragin positiboa duten proiektuak garatzea.
Gainera, eragin hirukoitzaren ekonomia kontzeptua txertatzen dugu (people, profit, planet). Team company-ak gaiari buruz hausnartu eta hitz egin behar du, eta ekintza-plan bat garatu behar du bere enpresan adierazle horiek hobetzeko.
Herrialdeko kulturarekin harremanetan jartzeko entrenatzen dugu, berdinen arteko harremana onartuz, abiapuntuko pribilegiozko egoeraz jabetuz. Esperientzia honek aniztasuna aztertzeko, aitortzeko eta onartzeko aukera ematen digu.
Konexio horiek emateko eta herrialdean ahalik eta modu errealenean esperimentatzeko, tokiko partnerrak ezinbestekoak dira. Hemen sartzen dira jokoan Travelling U, Berlin eta Seulen egitura duena eta TeamLabs. Horiei esker, istorio txikiak ezagutu, kulturan sakondu edo proiektu ekintzaileak gertutik ezagutu ditzakegu.
Gaur egun, gure kolaboratzaile sarea honako hau da:
— Berlin: Ironhack
— Korea: HBM
— India: Gienet
— Costa Rica: Costa Ricako Fundepos Unibertsitatea
— Finlandia: Haaga-Helia University of Applied Sciences.
Bidaia hauetan Team Company-ak ez dute bakarrik bidaiatzen. Komunitateko beste talde batzuekin batera bizi dira, Mondragon Team Academy-k duen sarearen balioa eta potentziala ulertuz. Gainera, laborategi batzuetan (Seulen edo Berlinen, esaterako) bertako LEINNeko taldeekin ere bizi dira, esperientzia are anitzagoa eta zirraragarriagoa eginez.
Aurten, berrikuntza da Indiara itzuliko garela; izan ere, herrialde hori beti egon da gure ikaskuntza-bidaietan, baina pandemian ezin izan dugu hara joan. India ekonomia garatzen ari den herrialdea da (BRICS), eta aukera eman digu beti proiektuak egiteko modu berriak ezagutzeko, Berrikuntza Frugala bezalako metodologien bidez edo fokua piramidearen oinarrian jarriz.
Bertan, taldeek Leadership Week-en esperientzia biziko dute, beren gogoetak Personal Manifesto batean gauzatuz: Iparrorratz eta inspirazio gisa balio duen printzipioen adierazpena etorkizunari begira. Beti gogoratuko duten une berezia.
Gaur egun Berlinen edo Costa Rican ditugu taldeak, eta urtarrilean hasiko dira Seulera, Indiara, Bilbora edo Finlandiara iristen.
Berlingo esperientziak bere burua eta talde gisa ezagutzeko balio duela esan digute. Abiapuntu ona izan da, bigarren eskuko arropa saltzeko proiektuekin fakturatzen hasi baitira, Berlingo merkatu lokaletan.
Costa Ricatik ere albiste onak iristen zaizkigu, Luxxo Team Companyko Sergio Casadok partekatzen zigun “Costa Ricako nire esperientzia eraldatzailea izaten ari da maila pertsonalean zein profesionalean, eta nire team company-arekin hainbat proiektu garatzen ari gara, hala nola futbol txapelketak, hackatoiak eta ekintzailetzari buruzko hitzaldiak”.
Filipe Rebello Team Coach bezala esperientzia bizitzen ari da, eta Costa Ricak ekosistema ekintzailea eta berrikuntzakoa duela esan digu. “Ekosistema hori oso lotuta dago iraunkortasunaren kontzeptuarekin, lurraldearen %25a mugatuta baitago (eta zainduta) erreserba natural gisa. Era berean, ikusten ari gara komunitate-jarduerak eta elkarrekin sor daitezkeen negozioak oso harrera ona izaten ari direla hemen. Hori guztia dela eta, oso lur emankorra da LEINNeko komunitate osoarentzat".
Ikaskuntza-bidaien amaieran, talde-txosten baten bidez (team report), LEINNerrek taldearen ikaskuntza eta Learning Journey-an lortutako emaitzak ebaluatzen dituzte. Hemen ikusiko dituzue datozen hilabeteetan Report horietako batzuk.
Beraien bidaiak gertutik jarraitu nahi badituzu, harpidetu zaitez gure newsletterrera
