Komunikaldia 2008: Etorkizuneko komunikatzaileak

Komunikaldia 2008: Etorkizuneko komunikatzaileak

Aurten lehen promozioa kaleratuko da Ikus-entzunezko Komunikazioan. Hori dela-eta, “Etorkizuneko komunikatzaileak” izango da aztergaia aurtengo Komunikaldietan.

Fakultateak erakutsi nahi die komunikatzaile berriei zelan dagoen lan merkatua komunikazioaren esparruan. Horretarako, enplegatzaileak etorriko dira, eta azalduko dute, besteak beste, zer ezaugarri eskatzen dizkieten gaur egungo komunikatzaileei.

Aurtengo Komunikaldiak martxoaren 5ean izango dira, HUHEZIn bertan, Areto Nagusian.

Agenda / Programa

• 09:00 Jardunaldiaren aurkezpena
• 09:15 Mahai ingurua: "Hedabide tradizionalak XXI. Mendean". Parte-hartzaileak: Martxelo Otamendi, Berria egunkariko zuzendaria; Aritz Agirre, Euskadi Irratiko albistegietako zuzendaria; Joseba Iriondo, kazetaria eta freelance-a komunikazio gaietan.
• 11:00 Atsedena.
• 11:30 Luis Fernandez, CodeSyntax-eko langilea: “Interneteko komunikatzaile profesionala”.
• 12:05  Izaskun Ellakuriaga, Durangoko Euskal Liburu eta Disko Azokako komunikazio zuzendaria: “Durangoko Azokan ikusten ez dena”
• 12:40  Galdera-erantzunak
• 13:00  Bazkaria
• 15:00  Mahai ingurua: Fikzioaren egoera ikus-entzunezkoetan. Parte-hartzaileak: Asier Altuna, zineko teknikari, gidoilari eta zuzendaria; Itxaso Atutxa, 3Koma produktorako zuzendari ordea; Arri Granados, K2000ko Eduki Departamentuko zuzendaria eta ¡Pásalo! programako zuzendari eta ekoizle exekutiboa; Itziar Mena, EIKEN Ikus-entzunezko Klusterreko zuzendaria