Huhezinema 2024
Huhezinema 2024
Huhezinema 2024 Gertaera
Huhezinema 2024
Data eta ordua
January 24 - January 26
Kokapena
Aretxabaleta
Huhezinema 2024
Mondragon Unibertsitateko Humanitatea eta Hezkuntza Zientzien Fakultateak aurkeztu egin du Huhezinema Euskal Film Laburren Jaialdiaren 17. edizioaren kartel berria. Ariadna Tola ikaskideak egindako kartel proposamenaren baitan sortu da iruditeria eta Aretxabaletako elizak eta telefono kabinak berebiziko garrantzia hartu dute bertan.
Iruditeriaren ardura duen komunikazio lantaldeak azaldu du kartelaren hautaketa ez dela erraza izan. Ariadna Tola, kartel egilearen hitzetan “Aretxabaletako lagun batek gomendatu zidan telefono kabinaren irudia kartelean txertatzeko, izan ere, herriko gazteekin polemika handia izan duen kabina da. Kontuan izanda Huhezinema gazteei zuzendutako ekitaldia dela, eta Aretxabaletan egiten den zinema jaialdia dela, lotura hori egiteko modurik egokiena iruditu zitzaidan.”
HAZI Sari berria
Hainbat berrikuntza izango ditu aurtengo edizioak, eta sarien atalean nabarmenena HAZI Sari berria izango da. Eusko Jaurlaritzako Ekonomiaren Garapen, Jasangarritasun eta Ingurumen Sailaren HAZI enpresa publikoak eta Huhezinemak bat egin dute HAZI sari berria sustatzeko.
Lankidetza berri honen helburua da urtez-urtez HAZIrekin zerikusia duten egitekoak sustatzea eta ezagutaraztea (ekintzailetasuna, landa garapena, basogintza...). Gauzak horrela, HAZI saria jasoko du egiteko horiek egokien lantzen dituen film laburrak.
Saria Huhezinemako epaimahai ofizialak eta HAZIk izendatutako ordezkari batek emango du, Huhezinema jaialdian finalista izango diren film labur eta bideoklipen artean onena aukeratu ondoren. Sariaren irabazleak 600 euro jasoko ditu Eusko Label produktuen saski batekin batera, urtarrilaren 26an egingo den Huhezinema jaialdiaren sari banaketa ekitaldian. HAZIko ordezkari batek emango du saria Aretxabaletako Arkupe kultur etxean.
Izena emateko epea amaitzear
Huhezinemaren 17. edizioan parte hartzeko epea azaroak 27an bukatuko da. Oinarriak, parte hartzeko baldintzak, filmak aurkezteko epeak, zein bidalketa moduak Huhezinemako webgunean daude. Film laburrak zein bideoklipak aurkezteko, izen-ematea inprimaki honen bidez egin beharko da.
INFORMAZIO GEHIAGO
Agenda / Programa
EGITARAUA
Urtarrilak 24, asteazkena
11:00 - Masterclassa: Paul Urkijo.
13:30 - Masterclassa: Mattin Aierbe.
16:00 - Ikasle Sailaren proiekzioa I.
18:00 - Ikasle Sailaren proiekzioa II.
20:00 - Poteoa.
Urtarrilak 25, osteguna
16:30 - “Bihotza negar” Bideokliparen estrenoa.
17:00 - Masterclassa: Asier Renteria.
18:30 - Bideoklip Sailaren proiekzioa.
19:30 - Performance-a: Albina Stardust.
20:00 - Kontzertua: Jasan Taldea.
Urtarrilak 26, ostirala.
15:00 - Sail Ofizialaren proiekzioa I.
16:30 - Sail Ofizialaren proiekzioa II.
19:30 - Sari banaketa.
20:30 - Lunch-a.
21:00 - DJ Rosamari.