Eider Mendoza Gipuzkoako Ahaldun Nagusiak Mondragon Unibertsitateko Humanitate eta Hezkuntza Zientzien Fakultatea bisitatu du
Eider Mendoza Gipuzkoako Ahaldun Nagusiak Mondragon Unibertsitateko Humanitate eta Hezkuntza Zientzien Fakultatea bisitatu du
Eider Mendoza Gipuzkoako Ahaldun Nagusiak Mondragon Unibertsitateko Humanitate eta Hezkuntza Zientzien Fakultatea bisitatu du
Eskoriatza eta Aretxabaletako campusetara egindako bisitan, Ahaldun Nagusiak ondoan izan ditu Felix Urkola, Diputatu Nagusiaren kabineteko burua; Vicente Atxa, Mondragon Unibertsitateko errektorea; Jon Altuna, Mondragon Unibertsitateko errektoreordea akademikoa; Nagore Ipiña, Mondragon Unibertsitateko Humanitate eta Hezkuntza Zientzien Fakultateko dekanoa eta Xabi Igoa, Humanitate eta Hezkuntza Zientzien Fakultateko komunikazio arloko zuzendaria.
Gaur, apirilak 30, Mondragon Unibertsitateko Humanitate eta Hezkuntza Zientzien Fakultatea bisitatu du Eider Mendoza Gipuzkoako Ahaldun Nagusiak. Bisitan, Fakultateak Debagoienean dituen bi campusak ezagutu ditu, Eskoriatzakoa eta Aretxabaletakoa. Hitzorduan, Ahaldun nagusiak ondoan izan du Felix Urkola, Diputatu Nagusiaren kabineteko burua; eta beraiekin bildu dira Vicente Atxa, Mondragon Unibertsitateko errektorea; Jon Altuna, Mondragon Unibertsitateko errektoreordea akademikoa; Nagore Ipiña, Mondragon Unibertsitateko Humanitate eta Hezkuntza Zientzien Fakultateko dekanoa eta Xabi Igoa, Humanitate eta Hezkuntza Zientzien Fakultateko Komunikazio arloko zuzendaria.
Eskoriatzako campusean egin diote Mondragon Unibertsitateko ordezkariek ongi etorria Ahaldun nagusiari. Bertan, Eider Mendozak aukera izan du Humanitate eta Hezkuntza Zientzien Fakultatea hobeto ezagutzeko, hezkuntza eredu berritzailearen gaineko azalpenak jasotzeko eta campusa bertatik bertara ikusteko. Besteren artean, bisitatu dute Dorleta eraikin berritua eta bertan kokatuta dagoen Hezkuntza Berrikuntzarako KoLaborategia.
Behin Eskoriatzako campusa ezagututa, Aretxabaletara joan da taldea. Bertan, Ahaldun Nagusiak Komunikazioa ardatz duen campusa ezagutu du eta esku-artean dituzten egitasmoen berri jaso du. Fakultateko ordezkariek IdeiEnea egitasmoa aurkeztu diete; proiektu anbiziotsua, bi helburu nagusi dituena: batetik, komunikazioaren euskal ekosisteman esperimentazioa eta berrikuntza sustatzea, besteak beste, horretarako ekintzaileentzako bidelaguntza eskainiz, eta bestetik, erakundeei komunikazioaren alorrean puntako talentua, ezagutza eta aholkularitza eskaintzea. Finean, ekosistemako eragileen artean lankidetzarako aukerak sortu nahi dira IdeiEnean, gizartean eragina areagotzeko.
Horretarako, Mondragon Unibertsitateak asmoa du, Aretxabaletako campusaren eraikinaren ondoan atxikitako espazio berri bat eraikitzeko. IdeiEnea aurreratuta dagoen proiektua da eta laster dira hastekoak eraikuntza-lanak.
Mondragon Unibertsitateko Humanitate eta Hezkuntza Zientzien Fakultateak hiru campus ditu. Eskoriatzakoan, batez ere hezkuntza eta kooperatibismoarekin lotutako gaiak jorratzen dituzte. Aretxabaletan, ostera, komunikazioarekin lotutako jakintza lantzen dute. Azkenik, Bilbao AS Fabriken, humanitate eta hezkuntza arloak lantzen dituzte.
