Eragin handiko sektorea ekonomian

Gero eta handiagoa da sormen eta industria kulturalek gure ekonomian duten garrantzia. Esparru honetan uztartzen dira alderki ekonomikoa, sormena eta garapen kulturala.

Duen erakargarritasun pertsonal eta profesionaletik haratago, kultur eta sormen industrien esparruak indar handiko sektore ekonomikoa bilakatu da azken urteotan. Hala, eta Kulturaren Euskal Behatokiaren datuen arabera, kulturaren eta sormenaren sektoreak ekarpen nabarmena egiten dio Barne Produktu Gordinari: %4koa izan zen, adibidez, 2019an (Kulturaren Euskal Behatokia, 2019). Enplegua sortzeko motor garrantzitsuak ere badira Kultur eta Sormen Industriak: 2022an sektorean 33.983 langile zeudela kalkulatzen da, enpleguaren % 3,84a (Eusko Jaurlaritza, 2022).

Gradu honetan prestatuko zara sektore horretako aktore aktibo izateko eta lanbide erakargarrietan lan egiteko.