ELKARDESIGN III proiektua martxan da DBZ-ren eskutik
ELKARDESIGN III proiektua martxan da DBZ-ren eskutik
ELKARDESIGN III proiektua martxan da DBZ-ren eskutik
ELKARDESIGN III proiektuaren helburua Gipuzkoako enpresek Diseinu Estrategikoko gaitasunak eskuratzeko ereduak sortzea da
Mondragon Unibertsitateko Diseinu Berrikuntza Zentroak (DBZ) ELKARDESIGN III (Gipuzkoako Enpresen Lehiakortasuna Sustatzeko Diseinu Estrategiko Parte-hartzailea III) proiektua jarri du martxan. Ekonomia Sustapena, Turismo eta Landa Inguruneko Departamentuaren Gipuzkoako enpresa sarearen aukerak, balio diferentziala eta iraunkortasuna sustatzeko programak finantzatuko du proiektua.
Aurreko edizioan bezala, ELKARDESIGN III proiektuaren helburua Gipuzkoako enpresek Diseinu Estrategikoko gaitasunak eskuratzeko ereduak sortzea da, enpresen berrikuntza gaitasunak eta abantaila konpetitiboa sustatzeko. Gipuzkoako sei enpresek hartuko dute parte proiektuan: Alfa Hogar, ULMA Construction, Logikaline, Galbaian, Ausolan eta Laboral Kutxa. DBZk lagunduko die Diseinu Estrategikoan oinarritutako zerbitzuak martxan jartzen. Diseinu Estrategikoari esker enpresak erabiltzaileen parte-hartzea sustatzeko gai izango dira, ondorioz zerbitzuen kalitatea eta bezeroen esperientzia handituz.
DBZk esperimentazio praktikoetatik Diseinu Estrategikoa integratu eta praktikatzeko ereduak sortuko ditu. Gainera, aurreko edizioan garatutako Diseinu Estrategikoaren inpaktua neurtzeko ereduaz baliatuta, kasu praktikoetan Diseinu Estrategikoak izan duen eragina neurtuko du.
Elkardesign proiektuari buruz gehiago jakin nahi baduzu, edo Diseinu Estrategikoa enpresan barneratzeko eskuliburua eskuratu nahi baduzu, hurrengo esteka bisitatu:
https://dbz.mondragon.edu/eu/elkardesign-proiektua
