2019-2020 kurtsoko emateak

ELKAR-IK proiektuaren ematea

---

Gipuzkoako Foru Aldundiak ELKAR-IK, Desarrollo de modelos para la transformación de los entornos laborales en entornos de aprendizaje colaborativos, centrados en las personas y el desarrollo de talento proiektua finantziatu du, Gipuzkoako Foru Aldundiaren "Enpresetan pertsonen talentua eta ekintzailetza sustatzeko programa"ren 2019. urteko laguntza deialdiaren barruan.

Ikerketa markoa

Egungo ezagutzaren gizartearen aurrean, ezinbestekoa da enpresak bilakatzea euren lehiakortasuna pertsonen garapenean, talentuan eta ezinbesteko ikaskuntzan oinarritzen duten erakunde. Merkatuen globalizazioak eta teknologia aurrerapen azkarrek eurekin dakarte iraunkorra den bakarra aldaketa izatea. Era honetan ezagutza, ikaskuntza eta talentuaren garapena gakoak dira lortzeko lehiakortasuna eta enpresa-ehunaren iraunkortasuna, horrek berarekin dakarren lurraldearen garapen sozioekonomikoarekin batera.

Europar Batzordeak Gaitasunen Europako Agenda Berrian (2016) adierazten duen moduan, gaitasunak eskuratu eta garatzea funtsezkoa da lan merkatuen funtzionamendu eta modernizaziorako, ekidinez hazkundeari trabak jar diezazkiokeen gaitasun desfaseak eta horrek Estatuen erresilientziari izan dezakeen eragina. Horregatik lan egin behar da lan inguruneak ikasketa ingurune bihurtzeko, enpresak eraldatuz bihur daitezen pertsonak erdigunean jartzen dituzten erakunde eta oinarritzen dutenak euren lehiakortasuna ikaskuntzan eta talentuaren garapenean.

Nahiz eta eraldaketak berarekin dakarren enpresen parte diren pertsonen formazioaren aldeko apustua, bakarrik hamar profesionaletatik batek hartzen du parte antolaturiko formazio batean. Gainera, Europar Batasuneko enpresen herenak ez die inongo formaziorik eskaintzen bere langileei eta bakarrik besteren konturako langileen herenak hartzen du parte ikastaro edo mintegiren batean (EB, 2016).

Arazo honi Europar mailan aterabidea eman nahi dioten proiektuen azterketa sakon bat egin ostean ikusi ahal izan den moduan, martxan dauden proiektu eta mekanismo asko mugatzen dira soilik finantzaketa izanik puntualki eginiko jardueretara. Exekuzio unean hauen bidez lortutako emaitzak positiboak izan arren, beharra identifikatu da garatzeko eta martxan jartzeko tresna eta ereduak eraldaketa hau denboran iraunkorra izan dadin, bermatuz enpresek ikasteko guneak izan ditzatela une kritikoa izanik ere. Premisa honen pean, ikusi da unibertsitate enpresa kooperazio jarduerak (hemendik aurrera UEK) tresna ezin hobea direla enpresa eraldaketarako euren izaera intenporalagatik. Bai egungo merkatu ezagutzan bizi globalen aurrean bai etorkizuneko merkatu zalantzazkoetan enpresak eta unibertsitateak elkarren behar gero eta handiago izango dute.

Hori dela eta, ezinbestekoa da ikerketak egitea oinarriak jar ditzaten ondoren eraldaketarako ereduak garatzeko, ahalbidetuko dutenak bihurtu ahal izatea lan inguruneak ikasketa kolaboratibo ingurune; pertsonetan zentratuak, enpresen ezaugarri, gaitasun eta errekurtsoetara moldatuak eta UEK ekintzak martxan jartzean oinarrituak.

Eraldaketa eredu hauen garapenari esker enpresek tresnak izango dituzte euren lan inguruneak moldatu eta eraldatzeko izan daitezen bai ikaskuntza kolaboratibo bai talentu garapen gune, modu autonomo eta denboran iraunkorrean. Hau guztiagatik, Elkar-Ik egitasmoak enpresentzako tresna enpiriko berritzaileak jarri nahi ditu mahai gainean enpresek, modu autonomo eta denboran iraunkorrean, euren lan ingurunean eraldatu ahal izateko bihurtuz ikaskuntza kolaboratibo ingurune, pertsonan zentratuak eta talentuaren garapena xede dutenak.

Helburuak

Elkar-Ik egitasmoak ondorengo helburuak ditu:

Helburu nagusia

Eredu estrategikoak eta denboran iraunkorrak garatzea erakunde eta lan inguruneen eraldaketarako, Unibertsitate-enpresa lankidetzarako (UEK) ekintzen bidez ikaskuntza balioan jarri eta sustatuko duten inguruneetan talentua garatzearekin batera.

Bigarren mailako helburuak

• Ikaskuntzari eta talentuaren garapenari buruz Gipuzkoako enpresen egoera eta aurkitzen dituzten oztopoak ezagutzea, inkesten, foroen eta kasu-azterketen bidez.
• Enpresa mota bakoitzerako UEK jarduera egokienak ezagutzea, haien ezaugarriak, gaitasunak eta baliabideak kontuan hartuta, beren talentua gaitzeko eta garatzeko.
• Ebidentzietan oinarrituta Autodiagnostikorako tresna bat garatzea, eraldaketarako UEK jarduera egokienak hautatzeko, enpresen ezaugarrien, gaitasunen eta baliabideen arabera, eta ereduak diseinatzeko oinarriak ezarriz.
• Proba pilotu bat abian jartzea, ikerketa-ekintzaren bidez, enpresa-tipologia bakoitzerako identifikatutako eraldaketa-ereduak eta UEK jarduerak probatzeko eta ebaluatzeko.

Faseak

Proiektuaren konplexutasuna eta dimentsioa dela eta, 2019/2020 eta 2020/2021 faseetan diseinatu da, eta fase horiek etorkizuneko web-plataforma interaktibo bat garatzeko oinarriak ezarriko dituzte (2021/2022). Horrek ez du esan nahi proiektua 2021ean amaitzen denik; aitzitik, azken urte horretan beharrezkoa den ezagutza izango dugu web-plataforma bat diseinatzeko, Gipuzkoako enpresei lagunduko diena beren lan-inguruneak ikaskuntza-ingurune bihurtzen, lankidetzakoak, pertsonak eta talentua modu autonomo eta iraunkorrean garatzea ardatz dutenak.

2019/2020 urteko faseei dagokienez:

• Datu-bilketa
• Datuen analisi eta interpretazioa
• Autodiagnostikorako tresna diseinatzea eta garatzea
• Komunikazioa eta hedapena

Partaideak

Parte hartu duten enpresak Gipuzkoako eskualde desberdinetan kokatutako manufaktura enpresa txiki eta ertainak izan dira. Zuzendarien eta enpresako pertsonen agenda zaila dela eta, egokiagotzat jo da elkarrizketa pertsonalak egitea. Horrela, malgutasun handiagoa eskaini zaie enpresei, eta parte hartu duten enpresen kopurua handitzea lortu da. Gainera, elkarrizketa horietan lortutako gertutasunari esker, izaera kualitatiboko eta kalitate handiagoko informazioa lortu da. Elkarrizketak aurrez aurre (enpresen instalazioetan) eta modu birtualean (Skype bidez) egin dira beraz. Guztira 162 enpresek parte hartu dute galdetegiari erantzunez, 109 online egin dute eta 53 elkarrikzketetan parte hartu dute. Horietatik 40 aurrez aurrekoak izan dira eta 13 bideo-dei bidez.

Elkarlaneko ikaskuntzako lan-ingurunearen maila (erderatik “Entorno Laboral de Aprendizaje Colaborativo” ELAC) neurtzeko tresna garatu ondoren, UEK-i dagokiola jardunbide egoki gisa identifikatutako enpresak atzematen dira eta kasu-azterketak garatzen dira. Horretarako, parte hartzeko prest dauden 3 ETErekin harremanetan jartzen da taldea. Elkarrizketa horiek online egiten dira, eta, kasu-azterketa horien bidez, eraldaketa-ereduak garatzeko behar den informazioa biltzen da.

Proiektua komunikatzeari eta zabaltzeari dagokionez, enpresa txiki eta ertainetara eta mikroETEetara iristeko eta proiektua ezagutarazteko eta enpresa mota hauei UEK eraldatzeko tresna gisa hurbiltzeko, sustapen-kanpaina bat garatu da, non bi enpresak parte hartzen duten, euren esperientziak partekatuz Domotek eta Embalan3.

Egoerari eta oztopoei buruzko txostena

Ikaskuntzari, talentuaren garapenari eta UEK aktibitateei dagokionez Gipuzkoako enpresen egoera eta aurkitutako oztopoak biltzen dituen txostena.

Proiektuaren hedapenerako sortutako bideoak

Lehenengo bideoan Europako sailkapenaren araberako unibertsitatearen eta enpresen arteko lankidetza modu posible guztiak jaso nahi ditu. Horrela, lankidetza formatu ugari daudela eta enpresa mota bakoitzerako formularik egokiena aurkitu behar dela ikusarazi nahi da.

 

Embalan3 enpresak Mondragon Unibertsitatearekin duen lankidetza-esperientziaren berri eman du bigarren video honetan. Izan ere, Berrikuntzaren Zuzendaritza eta Proiektuen Kudeaketa Masterreko ikasleen seihileko proiektuaren bidez ikasleak eta enpresa elkarlanean aritu ziren. Kasu honetan, beraz, enpresa master horretako ikasleen formakuntzan parte hartu zuen.

 

Hirugarren videoan Domotek enpresarekin batera, duela hiru urte lankidetzarako identifikatutako aukera azaltzen da. Horrela, Basque Digital Innovation Hub-ean sartu zen unibertsitea. Kasu honetan, baliabide partekatuak erabiltiz jarduten da lankidetzan.