Design Konferentziak Mondragon

Design Konferentziak Mondragon

Ekitaldiaren deskribapena

Diseinu ikerketako erreferente lokal gisa, Mondragon Unibertsitateko Diseinu Berrikuntza Zentroak (DBZ) DESIGN KONFERENTZIEN beste edizio bat aurkeztu du, oraingoan Bilbao Bizkaia Design Week 2023 (BBDW23) programaren barruan.

DBZn Pertsonengan Oinarritutako Diseinua eta honen tresnak elementu eratzailetzat hartzen dira, diseinu prozesuetan erabiltzaileak eta horien beharrak kontuan har daitezen. Horrela, giza dimentsioa arlo funtzionalean eta teknologikoan oinarritutako diseinu eta berrikuntza prozesuetan txertatzea sustatzen da askotan. DESIGN KONFERENTZIETAN proiektuak aurkeztuko dira, non diseinu tresnak izan diren integrazio hori eman dadin elementu eratzaileak.

Horrela, ekitaldiak diseinuan ikerketa aurkeztu nahi du elementu eratzaile gisa, pertsonen ongizatean eta gogobetetzean eragin positiboa izateko. Ekitaldi interesgarri eta erakargarri bat proposatzen da diseinuaren arloko profesionalentzat eta diseinuaren arloko ikasleentzat. Horrela, hainbat proiektu aurkeztuko dira goiz batean zehar, non diseinuak erabiltzaileak eta horien beharrak produktu eta zerbitzuen diseinu prozesuetara hurbiltzeko duen ahalmena erakutsiko den.

Egitaraua

10:00 - Akreditazioak

10:15 – Ongi etorria eta jardunaldiaren hasiera. Diseinu Berrikuntza Zentroa, Mondragon Unibertsitateko Goi Eskola Politeknikoa.

10:30 - Herritarrentzako zerbitzuen diseinua. Ruben Rebollar, Zaragozako Unibertsitatea.

Herritarrentzako Zerbitzuen Diseinuko katedratik Zaragozako Udalak herritarrentzako zerbitzu berriak diseinatzen lan egiten du. Hitzaldi honetan lan hauei buruz hitz egingo da, talde horrek garatutako adibide praktikoak partekatuz.

11:00 - Pertsonengan oinarritutako ikuspegi baten garrantzia herritarren parte hartzean. Idoia Landa, Diseinu Berrikuntza Zentroa, Mondragon Unibertsitateko Goi Eskola Politeknikoa.

Parte hartzea funtsezko tresna da hiri espazioak eraldatzeko zerbitzuak diseinatzean eta garatzean. Parte hartzea eraginkorra izan dadin, beharrezkoa da prozesu horiek bultzatu edo oztopatu ditzaketen eta parte hartzaileen inplikazioa hobetu dezaketen funtsezko elementuak ezagutzea. Diseinu parte hartzailearen funtsezko faktore eta elementuak identifikatzeko helburuarekin egindako ikerketa azaltzen da eta aplikazio eremu bat erakusten da.

11:30 - Kafe etenaldia

12:00 - Diseinuaren zilegitasuna: nola eta zergatik erabakitzen duten enpresek txertatzea Pertsonengan Oinarritutako Diseinuan konpetentziak. Iker Legarda, Diseinu Berrikuntza Zentroa, Mondragon Unibertsitateko Goi Eskola Politeknikoa.

Ponentzia honetan Pertsonengan Oinarritutako Diseinua legitimatzeko prozesuari buruz hitz egingo hauek enpresatan sartzen direnean, ia ikuspegi ezezaguna denetik enpresaren balio diferentzialaren parte bihurtzeraino. Aldaketa hori gaitzen duten praktikak nabarmenduko ditugu, eta diseinuaren aldeko apustua egin duten euskal enpresen hainbat ikasketa kasu berrikusiko ditugu.

12:30 - Zaintza ekosistemak: nola eta zergatik hasi behar duten osasun enpresek erabiltzailearengan ekosistema gisa pentsatzen. Maitane Garcia, Ubikare.

Maitane Garcia Ubikareko produktuaren diseinu arduraduna da. Software medikoa garatzen duen enpresa batean pertsonengan oinarritutako diseinu ikuspegia nola aplikatzen duen azalduko digu.

13:00 - Mahai ingurua: Ruben Rebollar, Idoia Landa, Iker Legarda, Maitane Garcia

Pertsonengan Oinarritutako Diseinua, giza dimentsioa diseinu eta berrikuntza prozesuetan integratzeko elementu egituratzaile gisa.

13:30 - Itxiera