Simulatu, aztertu eta erabaki. Antolaketa-arrakastarako simulagailu aurreratua Ikastaroa

Helburuak

Kudeaketa operatiboari buruz hartutako erabakiek epe laburrean zein luzean lan-ongizateari eta enpresaren errendimenduari nola eragiten dioten sakon ulertzea

Nori zuzendua

Enpresen iraunkortasunerako eta lehiakortasunerako lan-ongizatea eta enpresaren errendimendua aldi berean lantzearen garrantziaz jabetzen diren erakundeetako zuzendaritza-taldeak.

Iraunkortasunerako kudeaketa operatiboari buruzko ezagutza aurreratua eskuratzeko jakin-mina duten profesionalak.

Programa

Programa estrategikoki bi zatitan banatuta dago, ikaskuntza eta aplikazio praktikoa maximizatzeko.

Lehen zatian, parte-hartzaileak elkarlaneko saio dinamiko batean sartzen dira, simulagailua erabiliz. Adituek gidatuta, zereginak egiten dira beste parte-hartzaile batzuekin lankidetzan jardunez, hainbat egoera aztertuz eta ulertuz erabakiek nola eragiten duten denboran zehar lan-ongizatean eta enpresaren errendimendu ekonomikoan

.Bigarren zatian, Bateratzen proiektuan 15 urteko ikerketa zorrotzaren bidez eskuratutako funtsezko ezagutzak parte-hartzaileei transmititzen zaizkie. Ikerketan oinarritutako enpresa-estrategiak eta praktika eraginkorrak partekatzen dira, lanbide-ingurunean ezartzeko tresna baliotsuak eskainiz.

Egutegia

2025/01/31 - 2025/01/31

Or

09:00-13:00

Irakasleak

Ane Sanchez

Ane Ingeniaritza Aplikatuan doktorea da Mondragon Unibertsitatean (MGEP). MGEPeko Industria Antolakuntzako Ingeniaria da, Industria Ingeniaritzako Masterra du Iberoamerikako Nazioarteko Unibertsitatean (UNINI) eta Coaching-eko Psikologiako Masterra du Urrutiko Hezkuntzako Unibertsitate Nazionalean (UNED). Gaur egun, Mondragon Goi Eskola Politeknikoan (MGEP) garatzen du bere jarduera, Berrikuntza, Antolaketa Eredua eta Pertsonen Estrategia sailean. Bertan, negozio-estrategiaren eta industria-erakundeetako kudeaketa operatiboaren arteko elkargunean zentratzen da, ikuspegi sistemiko batetik, bere doktore-tesiaren gai nagusia. Haren ikerketa kudeaketa operatiboa ezartzeko prozesuak lan-ongizatean eta enpresa-errendimenduan duen eraginaren analisi sistemiko eta tenporalean oinarritu da. Bere ikerketaren emaitzek Industrial Sustainable Entrepreneurship Awards saria jaso dute. Gaur egun duen lanpostuaren aurretik, automozioaren sektoreko industria-enpresa batean lan egin zuen ingurumen-ingeniari gisa, langileen parte-hartzea sustatuz industria-jardueraren etengabeko hobekuntzarako eta jasangarritasunerako. Bere ibilbide profesionalean zehar, pertsonen kudeaketa estrategikoarekin lotutako hainbat ikerketa-proiektutan parte hartu du, baita trantsizio hirukoitzari (digitala, berdea eta inklusiboa) aurre egiteko langileen hezkuntza eta gaitasunetan oinarritutako europar proiektu batean ere. Aipagarria da hamarkada bat inguruko esperientzia izan duela Bateratzen proiektuan, langileen ongizatea eta enpresen errendimendua aldi berean lortzeko erronkari ekitea helburu duena. Gainera, sistema-dinamikan aditua da, eta metodologia hori sakon erabili zuen doktore-tesian..

 

Alaine Garmendia

Alaine ingeniaritzan doktorea da Mondragon Unibertsitatean. Industria Antolaketako ingeniaria, Mondragon Unibertsitateko (MGEP) Proiektuen Berrikuntza eta Kudeaketa Zuzendaritzako Masterra, Project Management Instituteren CAPM ziurtagiriarekin. Mondragon Goi Eskola Politeknikoan garatzen du bere jarduera, Berrikuntza, Antolaketa Eredu eta Pertsonen Estrategia sailean, negozio-estrategia eta industria-erakundeen kudeaketa operatiboa batzen dituen lan-eremuan zentratuz, bere doktore-tesian jorratutako gaia. Aurretik, automobilgintzako osagaien sektoreko multinazional batean lan egin du "lean manufacturing" eko ingeniari gisa, langileen parte-hartzea sustatuz eta etengabeko hobekuntzarako trebatuz. Bere ibilbide profesionalean, pertsonen kudeaketa estrategikoarekin lotutako hainbat ikerketa-proiektutan parte hartu du, bai eta Europako bi proiektutan ere, trantsizio bikoitzari (digital+berdea) aurre egiteko langileen hezkuntzaren eta gaitasunen esparruan. Bateratzen proiektuaren buru izan da proiektu horrek langileen ongizatea eta enpresen errendimendua aldi berean lortzeko erronka bikoitzari erantzun nahi diolarik.