ECTS/orduak
10 ECTS
Egutegia
Tokia
Hizkuntza
Euskara
Modalitatea
Erdi-presentziala
Prezioa
3.700 €
Aurkezpena
LANKI Kooperatibismoaren Ikertegiak eta Mondragon Taldeko Otalorak elkarlanean abian jarritako aditu honek bultzatu nahi du, batetik, transmisio gaurkotu bat kooperatibagintzaren ideia eta praktikarena eta, bestetik, sustatu kooperatiben proiektu sozio-enpresarialak.
NABARMENDUAK
Ikastaro amaierako proiektu praktiko eta aplikatua sortuko duzu
40 kooperatiba desberdinetatik etorritako 300 ordezkari baino gehiagok parte hartu dute
Kooperatiben proiektu sozio-enpresariala garatzeko ezagutza eta tresnak eskturatuko dituzu
Praktikak elkarbanatzeko eta hausnarketa sustatzeko gunea
KONTAKTUA
Helburuak
Helburu nagusia:
Partaideen kooperatibaren Proiektu Sozio-Enpresariala indartzen lagundu nahi du formazio honek, dimentsio kooperatibo edo sozialaren garapenean begirada jarriz. Horretarako, ikasleari lan tresnak eta estrategiak eskaini nahi dizkio aditu titulu honek.
Gaur egungo errealitate konplexua eta bere erronkak kontuan izanik, ikasta- roak kooperatibaren proiektuari ekarpena egin nahi dio begirada integral batetik, identitate eta praktika kooperatiboa aztertu eta elikatuz.
Helburu zehatzak:
- Errealitate kooperatiboa ulertu eta aztertzeko ikasleari ezagutza teoriko-praktiko sendoa ematea.
- Kooperatiben Proiektu Sozio-Enpresarialaren garapenerako ezagutza eta erremintak eskaintzea.
- Kooperatiba ezberdinetako partaideen artean gogoeta bultzatzea eta prakti- ken elkartrukerako abagunea sortzea.
- Kooperatibaren Proiektu Sozio-Enpresariala indartzeko proiektu praktiko bat garatzea.
Nori zuzendua
Aditu-titulu hau dago zuzenduta, bereziki, ondoko kolektiboei:
Kooperatibako organo sozial eta exekutiboetako kideei.
Proiektu kooperatiboa bultzatzeko potentziala eta sentsibilitatea duten pertsonei.
Bere burua kooperatibismoan janzteko gogoa duen orori.
Programa
Materiak
- 1. modulua. Kooperatibagintza XXI mendean eta Arrasateko Kooperatiba Esperientzia.
- 2. modulua. Gobernantza Kooperatiboa: Demokrazia eta Interkooperazioa.
- 3. modulua. Erakundeen Kultura eta Pertsonak Lankidetzan.
- 4. modulua. Kooperatibismoa eta Eraldaketa Soziala.
Metodologia
Metodologiari dagokionez, perspektiba hirukoitz batetik helduko diogu kooperatibismoari: lehenik, teoria eta ezagutza sakonduz; bestetik, kooperatibismoan bizipen eta praktika metatua duten protagonisten zuzeneko lekukotzak trukatuz; eta hirugarrenik, kooperatibisten artean hausnarketa eta elkarrizketarako tarteak zabalduz.
Irakasleak
Moduluen arduradunak:
- Aitzol Loyola.
- Igor Ortega.
- Ainara Udaondo.
- Ion Lezeta.
- Oier Imaz.
Matrikula
Izen-ematea: inskripzioa online egin beharko duzu.
Izen emateko epea: 2024ko irailaren 20a arte.
Zalantzak badituzu email honetara idatzi:
Erakundea
Ikastaroa antolatuda dago, elkarlanean, Mondragon Unibertsitateko LANKI Kooperatibismoaren Ikertegiaren eta Mondragon Taldeko Gestio Sozialarekin-Otaloraren artean.
Lekukotzak
“Adituko esperientziatik pasatzea norberaren erakundearen kultura nolakoa den hobeto identifikatzen lagundu dit eta kultura kooperatibo batera hurbiltzeko pistak eman dizkit, beti pertsonaren figura erdian egonik eta ondo eginiko lanak duen garrantzia goraipatuz”.
“Kurtsotik pozik irten naiz, proiektu kooperatiboarekiko ezagutza eta konbentzimendua indartuta. Honek, nire kooperatibako beste pertsonei ikastaroan bizi eta ikasitakoa transmititzeko aukera ematen dit”.
“Testuinguru formal batean kooperatiba ezberdinetako pertsonak ezagutu eta esperientziak konpartitzeko aukera dudan lehen aldia da”.
“Kooperatibak bizi dugun egoera kontuan izanik behar beharrezkoak dira pertsona motibatuak, konprometituak eta kooperatibarentzako lan egiteko prest daudenak eta horrelako ikastaroak zentzu honetan laguntzen dute”.
“Kooperatibista izakeran kontzienteago egin nauela uste dut, eta gaur egungo erronkei aurre egiteko jarrera aldaketarako grina piztu dit”.
Praktikak eta proiektua
Ikasleek proiektu bat landuko dute, ikasitakoa kooperatibetan modu prakti- koan gauzatu dadin.
Kurtso bukaerako lan honek kooperatiba bakoitzaren Proiektu Sozio-Enpresarialak duen behar eta erronka zehatz batekin lotura izango du. Proiektu bakoitzak, Mondragon Unibertsitateko LANKI Kooperatibismoaren Ikertegiko irakasle baten tutoretza izango du.
Hona hemen, adibide gisa, aurreko urteetan aurkeztutako proiektu batzuk:
- “Bazkide Berrientzako Harrera Planaren diseinua” .
- “Eraldaketa Soziala lantzeko bide berri bat”.
- “Kontseilu Sozialerako kideentzako eskuliburua”.
- “Proiektu sozio-enpresariala: dimentsio kooperatiboa eta soziala organoetan kudeatzeko sistematika”.
- “Parte-hartze instituzionalaren mapa: komunikazio kanalen analisia”.
- “Kooperatibaren eraldaketa prozesua: pertsonen motibazio, jarrera eta konportamentuen azterketa”.
Prezioa
Alumni elkarteko kideek %10eko deskontua izango dute ikastaro honetan.
3.700 € (bazkariak eta materialak barne).