Jangelako Zuzendaritzan eta Bezeroen Arretan Unibertsitate Aditua ikastaroaren Diploma Ikastaro Aurreratua

Helburuak

 •   Gai hauen inguruko ezagutza aurreratuak eskuratzea: jangelako funtzionamendua, zerbitzu-teknikak, hainbat motatako jatetxeetako zerbitzuak eta zerbitzu motak.

 •   Bezeroaren barne zein kanpoko psikologiako gaitasunak garatzea, baita hitzezko eta hitzik gabeko komunikazio-teknikak ere, establezimenduko salmentak areagotu eta taldeak kudeatzeko helburuarekin.

 •   Zerbitzuak eta esperientziak diseinatzeko tresna nagusiak ezagutzea, helburu hauek lortzeko: zerbitzuaren kalitatea, gogobetetasuna eta bezeroen fidelizazioa.

 •   Ezagutza aurreratuak eskuratzea garagardoen, kafeen, koktelen, gazten, urdaiazpiko-ebakeraren, ardoaren eta produktu desberdinak uztartzearen inguruan, bezeroei aholkuak eman eta beraien beharrak ase ahal izateko.

 •   Jangelako zerbitzu modernoetan erabiltzen diren tresna teknologiko nagusiak eta sare sozialak erabiltzeko jardunbide egokiak ezagutzea.

 •   Kudeaketa-gaitasunak eskuratzea, prozesuak optimizatu, bezeroa asebete eta salmenta-puntuaren errentagarritasuna areagotzeko.

Nori zuzendua

 •   Jatetxeetako zerbitzu-zuzendaritzan, ostalaritzan edo zerikusia duten beste diziplina batzuetako tituludunak.

 •   Profesionalki eboluzionatu nahi duten jangelako profesionalak,  hala nola zerbitzariak, maître edo jantokiburuak eta jatetxe-kudeatzaileak.

 •   Jangela eta bezeroen arretaren arloko azken joerak ezagutu nahi dituzten irakaskuntzako profesionalak.

Positiboki baloratuko da ikasleak, gutxienez, 2 urteko esperientzia izatea jangelako eta jatetxe-zerbitzuko langile gisa.

Programa

Programak 6 modulu eta ikasturte amaierako proiektua ditu (10 ECTS)

1. Jangelak gaur egungo jatetxeetan duen papera
2. Psikologia eta komunikazio-gaitasunak, jangelan aplikatuta
3. Zerbitzuen, esperientzien eta jangelako sentsorialtasunaren diseinua
4. Kudeaketa-tresnak: jangelako kudeaketa integrala hobetuz
5. Jatetxeko produktuak: ardoaren, garagardoaren, kafeen, koktelen eta beste produktu batzuen kulturan murgiltzea
6. Jangelako teknologia; hurbilketa, aro digitalera            

Metodologia

Basque Culinary Centerren, learning by doing metodoan oinarrituta ikastearen alde egiten dugu; hortaz, ikastaroan ikasitako kontzeptuak praktikan jartzeko aukera izango duzu.

Honako kontzeptu metodologiko hauetan oinarritzen da irakaskuntza eta ikaskuntzako prozesua:

Saio presentzialak

 •   Saiorako aurreikusi diren gaien azalpen teorikoa.

 •   Gai guztien azterketa eta partaidetzako hausnarketa, eta jangelan eta zerbitzuan aplikatu ahal izateko ariketa praktikoak.

 •   Proiektuko ariketa ez-presentzialen laburpena eta bateratze-lana.

 •   Jardunbide egokiak ezagutzeko ikaskuntza-bisitak.

 •   Saioak ardoak dastatu eta uztartzeko, garagardoa zerbitzatzeko, kafe perfektua egiteko, koktelak prestatzeko, eta abarrerako.

Sektoreko erreferentziako eta ikasketa-programarekin loturiko beste diziplina batzuetako profesionalen master classak. Esperientzia erreal eta inspiratzaileak.

Ikaskuntza-bisitak: Ikasgaien edukiak azalduko dituzten bisitaldiak leku interesgarrietara egingo dira.

Ikasturte amaierako proiektua: ikasturte osoan, establezimendu baterako jangelako eskuliburu bat sortzeko lan egingo dugu, eskuratutako ezagutzak bertan txertatzeko. Adituek tutorizatuko dute proiektua.

Curriculumetik kanpoko praktikak: ikastaroak irauten duen bitartean, alegia, apiriletik ekainera, ikasleak aukera izango du formakuntza curriculumetik kanpoko praktikekin osatzeko.

Egutegia

2025/02/17 - 2025/04/08

As-At

09:15 - 18:15

Iraupena: 10 ECTS. 

Eskola Aldia: 2023ko otsailetik apirilera

Ordutegia: Astelehenak eta 7 astearte 9:15tatik 18:30tara.  * 

Ikasle Kopurua: 20

Izen Ematea: 2022ko uztailean irekiko da.  

Irakasleak

Matrikula

Basque Culinary Centerrek ikasleak onartzeko sistema bat du; izan ere, gure ikasleek ikasketa plan berritzaile eta zorrotz bat arrakastaz gainditzeko ezinbestekoak diren gaitasun pertsonalak eta maila akademikoa badituztela ziurtatzea du xede.

Onartzeko Batzorde bat izango da onartutako hautagaiak aukeratzeaz arduratuko dena.

1 IZENA EMATEA:

2 HAUTAGAITZAK AURKEZTEA:

Ikastaroan sartzeko baldintzei edo prozesuari buruz inolako galderarik izanez gero, ez izan zalantzarik eta jarri gurekin harremanetan cursos@bculinary.com helbide elektronikoan.

Prezioa

Deskontu bereziak

• Nafarroako Ostalaritza Elkarteko bazkideak: % 5eko deskontua

• Euro-Toques elkarteko bazkideak: % 5eko deskontua

• Basque Culinary Centerreko ikasleak: % 5-10eko deskontua

*Deskontuak ez dira metagarriak