Garapen profesionaleko plan batez osatutako prestakuntza, enpresako profesionalak trebatzeko biderik eraginkorrena da. Jarduera horretan, kontzeptu orokorrak eta adibide praktiko pertsonalizatuak, prestakuntza presentziala eta online modalitatekoa, barruko eta kanpoko prestakuntza, eskola kontzeptuak eta proiektu-garapenak (learning by doing)... konbina daitezke.
Enpresek honako abantaila hauek lortzen dituzte In Company prestakuntzaren bidez, besteak beste:
- Pertsonak trebatzeko prozesua azkartzea: langile sartu berriak, kargudun berriak, garapen profesionala, etab.
- Produktu, prozesu, negozio... berriak garatu eta ezartzea.
- Ezagutza jarduera profesionalera transferitzea bermatuko duen prestakuntza praktikoaz hornitzea.
Mondragon Unibertsitatean urtero 9.000 ordutik gorako In Company prestakuntza eskaintzen da eta 4.200 baino profesional gehiago prestatzen ditugu |
|---|
Mondragon Unibertsitateak burututako In Company formakuntzako zenbait adibide
Escoles FEDAC (Catalunya)
Hezkuntza Ikaskuntzarako Rol Berrietan Espezializatzeko Diploma (ROL), ikastetxeko ikaskuntza errazteko eta gidatzeko gai izango diren profil profesionalak prestatzeko.
Soraluce S.Coop
ERALDI proiektua, bazkide berrientzako harrera-planak, organo sozialetako kideentzako prestakuntza espezifikoak, baita prestakuntza/gogoeta kooperatiboko prozesuak ere, bazkideen kolektibo osoa inplikatzen duten heinean.
Conexão Mundo (Brasil)
Brasilgo Paraibako Hezkuntza, Zientzia eta Teknologiako Estatu Idazkaritzak eskatuta, Gastronomia eta Ostalaritzan, Ingurumenean eta Energietan eta Hezkuntza Kooperatiboan adituak diren hiru tituluk osatzen duten Brasilgo hezkuntza-profesionalei zuzendutako programa.
Zure enpresa edo erakundearen neurrira egindako prestakuntza