Gaia
ECTS/orduak
12 ECTS
Egutegia
Tokia
Noain
CEIN
Hizkuntza
Gaztelania
Modalitatea
Erdi-presentziala
Prezioa
1.980 €
Aurkezpena
Ikus-entzunezko Ekintzailetzan eta Berrikuntzan Aditu Diplomak negozio-eredu berrietan gaitzen ditu ikus-entzunezkoen arloko profesionalak. Erdi-presentzialki eskainitako titulu honek Noaingo CEINen izango dItu aurrez aurreko saioak. Proiektuak ditu Nafarroako Gobernuko Industria eta Trantsizio Ekologiko eta Digital Enpresarialeko departamentuaren laguntza eta NAPAR Ikus-entzunezkoen Ekoizpen Naparra.
Titulu hau diseinatuta dago Nafarroako ikus-entzunezko sektoreari ekarpena giteko, arlo horretako enpresa-sarea indartzeko eta proiektuak gauzatzeko ekoizpen exekutiboko figura prestatuak sortzeko helburuarekin. Batetik, ikus-entzunezkoen sektorean ekiteko interesa duten pertsonei prestakuntza eskaintzea. Bestalde, sektoreko enpresei eta profesionalei ezagutza enpresarial eta berritzailea ematea.
Titulu hau Nafarroako eta Euroeskualdeko ikus-entzunezko testuinguruaren beharretan kokatzen bada ere, ez da baztertzen ekintzailetzan eta ikus-entzunezko berrikuntzan interesa duten beste ikasle batzuen parte-hartzea.
Titulu honetan ikus-entzunezkoen arloko edukiak landuko dira, sektorearen egungo ekosistema ezagutzeko eta egungo merkatuaren aukerak identifikatzeko, eta berrikuntza- eta ekintzailetza-estrategietan sakonduko da, sektoreak planteatzen dituen erronkei ikuspegi desberdinetatik, baina aldi berean ikuspegi integraletatik, erantzuteko.
Humanitate eta Hezkuntza Zientzien Fakultateko Aretxabaletako campuseko komunikazio sailarekin batera, gaur egun beren proiektuak arrakastaz garatzen ari diren ikus-entzunezko sektoreko enpresa eta profesionalen partaidetza zabala izango da. Mondragon Team Academyren laguntza ere izango da ikus-entzunezko ekintzailetzaren arloan. Horiekin guztiekin beren ibilbide profesionala arrakastara eramateko gauzatu dituzten estrategiak aztertuko dira, eta negozio-ereduak berritzeko eta ikus-entzunezko enpresak birdimentsionatzeko gakoak aztertuko dira.
Ikastaroa iraupen desberdinean egin dezakezu, bi aukera dituzu:
Unibertsitate aditu ikastaroa
12 ECTS (300 ordu)
Zure proiektua garatzeko aukera
2024ko otsailetik ekainera
Espezializazio ikastaroa
200 ordu
Proiekturik gabe
2024ko otsailetik maiatzera
Nabarmenduak
Ikus-entzunezko sektorean proiektu berritzaileak eta ekintzaileak gauzatzeko aukera
Aditu eta arituek mentorizatuko dute zure proiektua
Online saioak eta workshop presentzialak (hilean behin) CEINen
FUNDAEren bitartez, % 100eko hobaria jaso daiteke
Helburuak
Ikastaroaren helburua da Nafarroan ikus-entzunezkoen sektoreko enpresen sarea indartzea, ikasleei eta profesionalei ikus-entzunezko sektorean ekiteko gaitasunak emanez eta enpresa-eragileak eta negozio-aukerak sortzen dituzten freelanceak trebatuz, beren proiektuen garapena hobetzeko eta pertsonak ikus-entzunezko proiektuetan ekoizpen exekutiboan aritzeko prestatuz.
Euroeskualde osoko profesionalei ere zuzenduta dago, gaur egun lurraldean eskaintzen ez den titulua eta ezagutza emateko eta eskualde arteko lurraldean ikus-entzunezkoen sektorea garatzeko prestakuntza-bide bat ezartzeko.
Nori zuzendua
SEKTOREKO PROFESIONALEI
Gaur egun ikus-entzunezkoen arloan diharduten profesionalak, proiektuen kudeaketari eta/edo berrikuntzari buruzko prestakuntza behar dutenak. Oro har, ikus-entzunezko proiektuen egileak, landa-ekoizleak, teknikariak eta errealizadoreak.
SEKTOREAN EKIN NAHI DUTEN PROFESIONALEI
Aurretiko prestakuntza edo sektorearen ezagutza duten profesional guztiei, ikus-entzunezko esparrua ekiteko sektore posible gisa baloratzen badute. Zuzendariak, finantzariak, ekintzaileak, enpresak.
GRADUATU BERRIEI
Ikus-entzunezko sektorean prestakuntza espezifikoan interesa duen graduatu berriari edo bere enpresa-proiektuari ekiteko asmoa duenari. Ikus-entzunezko komunikazioan, zineman, arte ederretan, ekonomian, zuzenbidean, soziologian eta zientzia politikoetan graduatuak.
IKUS-ENTZUNEZKO SEKTOREKO BESTE EREMU INTERESGARRI BATZUETAKO PRESTATZAILEEI
Ikus-entzunezkoen sektoreko berrikuntza- eta ekintzailetza-aukerei buruzko prestakuntza-programetan sartu edo berritu nahi duten zinema-eskoletako, ikus-entzunezkoen produkzioko, enpresa-arloko edo zuzenbideko irakasleak.
Programa
- modulua: otsailak 9-28. Ikus-entzunezkoen gaur egungo ekosistema: ekintzailetza eta berrikuntzarako aukerak
Euskal Herritik hasi eta nazioartera begira jarriko gara, egungo panorama osatua egin eta merkatuaren eskaintza eta erronkez hausnartzeko.
- modulua: martxoak 1-20. Ekintzailetasuna, auto-ekoizpena eta auto-distribuzioa
Arakatuko da zein merkatu eta sektorek duen ikus-entzunezkoaren beharra, negozio aukera berriak identifikatzeko.
- modulua: apirilak 10-apirilak 24. Berrikuntza ekoizpenean
Enpresa eta harremanak birpentsatzeko eta egituratzeko aukera berriez hitz egiten da.
- modulua: maiatzak 3-29. Ekintzailetasuna eta berrikuntza proiektuen kudeaketan
Lidergo- eta proiektu-eredu denetarikoetan sakonduko da, ikus-entzunezko sektorera begirako formula arrakastatsuak arakatzeko.
Proiektuaren garapena: martxoa eta ekaina bitartean*
Norberaren beharretara egokitutako proiektu baten garapena egiteko aukera egongo da, gaian aditua den profesional batek lagunduta.
* Modulu hau Unibertsitate aditu ikastaroko ikasleek soilik egingo dute. Espezializazio ikastaroa eginez gero, maiatzaren 29an bukatuko zaizu ikasketak.
Metodologia
Aditu titulu hau formatu erdi-presentzialean eskainiko da, horrek esan nahi du, ikasketa prozesuaren parte bat handi bat online gertatuko den arren, aurrez aurreko mintegiak ere egongo direla.
- Asteazkenetan saio sinkronoak egongo dira, 18:30-20:30 bitartean, eta irakurgai eta zereginak partekatuko dira online plataformaren bitartez.
- Hilabetearen amaieran aurrez aurreko saioak egingo dira CEINen, ostiraletan 18:00-20:00 bitartean eta larunbatetan, 09:00-18:00 bitartean.
Irakasleak
Unibertsitateko ikertzaileez gain, ikus-entzunezkoetan, berrikuntzan eta ekintzailetasunean adituak diren profesionalak izango dira irakasleak. Hauek dira profesionaletako batzuk:
- NAPAR (Garaxi Taberna), IBAIA, Zukugailua (Katti Pochelu) eta CLAVNAko arduradunak.
- Marie Heguy Urain, Akitania Berria Euroeskualdeko herritarren proiektuen kudeatzailea.
- Tina Olivares, zuzendaria eta ekoizlea.
- Rafa Linares, irakasle eta ekoizlea, transmedian eta negozio-estrategia berrietan aditua.
- Eva Patricia Fernández, irakaslea eta ekoizlea, big data eta audientzietan aditua.
- Isona Admetlla, Berlinale-World Cinema Fund-eko koordinatzailea, ikus-entzunezko proiektuen kudeaketako irakaslea.
Matrikula
2023ko abenduaren 1etik 2024ko urtarrilaren 31ra.
Izen-ematea: inskripzioa online egin beharko duzu.
Koordinazioa
Amaia Pavon Arrizabalaga
Finantziazio iturriak
FUNDAErekin bonifikatu daiteke.
Lekukotzak
Jasoko den titulazioa
Unibertsitate aditu titulua Ikus-entzunezko Ekintzailetzan eta Berrikuntzan, edo Ikus-entzunezko Ekintzailetzan eta Berrikuntzan espezializazio ikastaroa, proiektua ez egitea erabakiz gero.
Unibertsitate-enpresa erlazioa
Enpresa munduarekin harreman estu-estua du tituluak, izan ere, aditua ematera etorriko diren gehienak jarduten dira ikus-entzunezkoekin eta berrikuntzarekin lotutako enpresetan.
Plazak
25
Praktikak eta proiektua
Unibertsitate Aditu Tituluan proiektua garatuko da gaian aditua den tutore baten laguntzarekin. Tutore hori ikus-entzunezkoetan, ekintzailetzan edo berrikuntzan aditua izango da, eta proiektuaren arabera egokituko zaio ikasleari.
Kolaboratzaileak/ babesleak
Nafarroako Gobernuko Industria eta Trantsizio Ekologiko eta Digital Enpresarialeko departamentua.
Prezioa
Unibertsitate Aditu Titulua: 4.400 €
Espezializazio ikastaroa: 3.200 €
Nafarroako Gobernuko hobariari esker, %5eko deskontua izango duzu:
- Unibertsitate Aditu Titulua: 1.980 €
- Espezializazio ikastaroa: 1. 440 €