Power Hardware-in-the-loop (Power HIL) plataformen funtzionamendu-printzipioak, sare elektrikora konektatutako bihurgailuak probatzeko. Ikastaroa

Helburuak

Power HIL plataformak etorkizun oparoa duten irtenbideak dira sare elektrikora konektatutako kontrol berriak eta bihurgailuak ingurune errealistago batean probatu eta balioztatzeko, non softwarea zein hardwarea muturreko baldintzatan proba daitezkeen ingurune seguru eta kontrolatu batean. Gainera, martxan dagoen sare batean, bihurgailu-sistema berri bat probatu eta balioztatzeak suposatzen dituen kostua, ahalegina eta arriskua hartu gabe lortzen da. Horrela, plataforma hauek erraztu egiten dute sistema berrien garapena, zeinek deskarbonizazioari eta sare elektrikoen funtzionamendu seguruagoari laguntzen dioten.

Ikastaro honetan, Power HIL plataformak nola funtzionatzen duten sare elektrikoen arloan zehazki ulertzeko beharrezkoak diren alderdi guztiak jorratuko dira. Saioetan, oinarrizko alderdi teoriko eta kontzeptualetatik hasiko da, eta bihurgailuen eta haien kontrolatzaileen proba eta balioztapen esperimentalekin amaituko da. Ikastaroan erabiliko den plataforma esperimentala bi osagai nagusik osatzen dute. Lehenik, sare-emulatzailea (grid-emulator, GE) Semikron SKS SL 20 bihurgailu batez osatuta dago, Speedgoat denbora errealeko simulazio eta kontrol plataforma batek kontrolatua. Bigarrenik, probatu beharreko sistema (device under test, DUT) Semikron markako beste bihurgailu batez osatuta dago, serie berekoa.

Formazioaren helburua Power-HIL plataforma baten atal desberdinak ezagutzea eta elementu bakoitzak nola funtzionatzen duen ulertzea da. Era berean, ulertzea zeintzuk diren Power-HIL plataforma bat garatzeko edo sare-egoera kritiko batean proba bat egiteko faktore mugatzaile eta garrantzitsuenak.